အခန်း ၃၁၇ - ကျောက်စိမ်းဆံထိုးပွင့်ဖတ်ကိုးချပ်ဇီးပန်း
စိမ်းပြာဒြပ်စင်အခွံမာကောင်ကမူ သက်ရှိဖြစ်ပြီး ဤကြွေဖြူအခုံးစားပွဲရှည်မှာတော့ သိသိသာသာပင် သက်ရှိမဟုတ်ပါချေ။
ထိုအခိုက် လဧကရီဘေးတွင်ရပ်နေသော ခိုင်ချာသည် ရှားစောင်းရွက်ဖြင့် နှပ်ထားသော လက်ဖက်ရည်တစ်ခွက်ကို လောင်းထည့်ပေးနေသည်။ သူမသည် လက်ဖက်ရည်ခွက်ကို စားပွဲပေါ်တင်ပေးလိုက်ပြီး ညင်သာစွာ ပြောလေသည်။ "လဧကရီ ပျိုးထောင်ထားတဲ့ ဒီကျောက်စိမ်းဆံထိုးပွင့်ဖတ်ကိုးချပ်ဇီးပန်းက ပိုပြီး ကောင်းကောင်းမွန်မွန် ပွင့်လန်းလာတယ်နော်။"
ထိုစကားကိုကြားသောအခါ ဇီးခက်များ ချိုင်နေသော လဧကရီ၏လှုပ်ရှားမှုတို့ ရပ်တန့်သွားလေသည်။ ယခုလေးတင် သူမအခက်ချိုင်ပြီးသော ကျောက်စိမ်းဆံထိုးပွင့်ဖတ်ကိုးချပ်ဇီးပန်းကို စစ်ဆေးနေရင်း ပြန်ဖြေလာသည်။ "တကယ်လို့ ဝေလငါးအရိုးသာ ဒီကျောက်စိမ်းဆံထိုးဇီးပန်းကို ရေဒြပ်စင်စွမ်းအင်မထောက်ပံ့ထားရင် သုံးနှစ်ကြာရင်တောင် ဒီလိုပွင့်လာနိုင်မှာ မဟုတ်ဘူး။"
လဧကရီ၏စကားများကိုကြားသောအခါ ခိုင်ချာသည် မတတ်နိုင်ဘဲ ပဟေဠိဖြစ်သကဲ့သို့ ခံစားသွားရပြီး ရှက်သွားပုံပေါ်သည်။
သူမ အမြဲတစေ တွေးမိခဲ့သည်မှာ လဧကရီသည် ဤဝေလငါးအရိုးနှင့် ပြုလုပ်သောစားပွဲရှည်ကို သုံးရခြင်းမှာ ကျောက်စိမ်းဆံထိုးပွင့်ဖတ်ကိုးချပ်ဇီးပန်းကို အမြဲလိုလို ရေလောင်းစရာမလိုတော့ရန်ဟူ၍ ဖြစ်သည်။
သို့သော် ထိုအစား ဤကျောက်စိမ်းဆံထိုးပွင့်ဖတ်ကိုးချပ်ဇီးပန်းကို လျင်မြန်စွာ ရင့်မှည့်လာစေရန်ဟု မမျှော်လင့်ခဲ့ပေ။
ကြွေဖြူစားပွဲရှည်သည် ဒဏ္ဍာရီ ၃ ဝေလငါးနွယ်ဝင်ဝိညာဉ်သားရဲ ဝေငါးအရိုးဖြင့် ပြုလုပ်ထားခြင်းဖြစ်သည်။ ကျောက်စိမ်းဆံထိုးပွင့်ဖတ်ကိုးချပ်ဇီးပန်းထက်ပို အများကြီး ပို၍အဖိုးတန်၏။
ကျောက်စိမ်းဆံထိုးပွင့်ဖတ်ကိုးချပ်ဇီးပန်းသည် ကောင်းကင်နှင့်မြေကြီးဝိညာဉ်သားရဲဖြစ်သော်လည်း ထိုသို့သောဝိညာဉ်သားရဲများအကြားတွင် အတော်လေးစွမ်းအားသက်ရောက်မှု အားနည်းသည်။ အကြောင်းမှာ ထိုပွင့်ဖတ်များသည် အမွေးအလှအပကို ထိန်းသိမ်းဖို့အတွက်သာ ဖြစ်သောကြောင့်ပင်။
![](https://img.wattpad.com/cover/329898427-288-k137424.jpg)
YOU ARE READING
ဖန်တီးရှင်ဆရာသခင် လင်းယွမ် (အတွဲ ၂) ဖန္တီး႐ွင္ဆရာသခင္ လင္းယြမ္
Actionဝိညာဉ်ချီ နိုးထပြီးနောက် ရာစုနှစ်တစ်ခုအကြာတွင် ကမ္ဘာကြီးသည် ခေတ်သစ်တစ်ခုအသွင် ဖြစ်ပေါ်လာသည်။ လူသားများသည် ကမ္ဘာမြေ၏နိုးကြားလာသော ဝိညာဉ်ချီကို စုပ်ယူနိုင်ပြီး လမ်းကြောင်းသစ်ဖြစ်သော -ဝိဉာဉ်ချီပညာရှင် လမ်းကြောင်းကို လျှောက်လှမ်းနိုင်ကြသည်။ တစ်ချိန်တည်း...