အခန်း ၂၂၂ - ဆန်းပြားမျိုးသန့်ရဲ့ သီးသန့်ကျွမ်းကျင်မှုနှစ်ခု
လက်ရှိတွင် ကြေး ၁၀/ဆန်းပြား ၁ အရင်းအမြစ်သဲသည် သီးသန့်ကျွမ်းကျင်မှုသုံးမျိုးကို ပိုင်ဆိုင်ထားသည်။ ပထမဆုံးသီးသန့်ကျွမ်းကျင်မှုသဲထိန်းချုပ်မှုအပြင် ကျန်သီးသန့်ကျွမ်းကျင်မှုနှစ်မျိုးမှာ သတ္တုဝါးမျိုသရုပ်သကန်နှင့်ကျောက်စရစ်လက်ခံဝိညာဉ်တိုဖြစ်ကြသည်။
သတ္တုဝါးမျိုသရုပ်သကန်နှင့် ကျောက်စရစ်လက်ခံဝိညာဉ်တို့သည် ဆန်းပြားမျိုးသန့်အဖြစ် အဆင့်မြှင့်သွားသည်နှင့် ရရှိခဲ့သည်။ ထိုသီးသန့်ကျွမ်းကျင်မှုများသည် ၎င်းတို့အမွေဆက်ခံရခဲ့သော စိတ်စွမ်းအင်မှော်အက္ခရာများနှင့် ထိုက်တန်သည်မှာဧကန်ပင်။ သတ္တုဝါးမျိုသရုပ်သကန်ဖြစ်စေ၊ ကျောက်စရစ်လက်ခံဝိညာဉ်ဖြစ်စေ အသွင်ပြောင်းလဲခြင်း၌ အလွန်ပြင်းထန်သောဗီဇများပါလာကြသည်။သတ္တုဝါးမျိုသရုပ်သကန်သီးသန့်ကျွမ်းကျင်မှုကိုကြည့်နေချိန် လင်းယွမ်၏မျက်လုံးများရုတ်ချည်း တောက်ပလာသည်။ ဤနည်းအားဖြင့် အရင်းအမြစ်သဤအား သတ္တတစ်မျိုးကိုသုံးဆောင်ကာ ထိုသတ္တု၏ဗီဇတစ်စိတ်တစ်ပိုင်းကို ရရှိစေမည်ဖြစ်သည်။
အမှန်တွင် တိုက်ပွဲဝင်ချိန်၌ အရင်းအမြစ်သဲသည် စားသုံးလိုက်သော သတ္တုအမျိုးအစားအတိုင်းဖွဲ့စည်းနိုင်ပြီး တမူထူးသည့် တိုက်ခိုက်ရေး၊ ကာကွယ်ရေး သို့မဟုတ် ထိန်းချုပ်ရေးစွမ်းအင်အဖြစ်ပြောင်းလဲနိုင်သည်။ အရင်းအမြစ်သဲ စားသုံးလိုက်သောသတ္တုပမာဏသည် အရင်းအမြစ်သဲ၏အဆင့်ကို ဆုံးဖြတ်ပေးမည်ဖြစ်သည်။
ဤသီးသန့်ကျွမ်းကျင်မှုသည် အရင်းအမြစ်အမျိုးအစားသက်ရှိ၏တိုက်ပွဲဝင်ပုံစံ၏အရည်သွေးကို မြှင့်တင်ပြောင်းလဲစေသည်။ အရင်းအမြစ်သဲသည် စင်စစ်တွင် သဲဝါတစ်ပုံသာဖြစ်ပြီး ၎င်း၏တိုက်ခိုက်ရေးစွမ်းအင်သည် သန်မာနေလျှင်ပင် အကန့်အသတ်တော့ရှိ၏။
သို့သော် သီးသန့်ကျွမ်းကျင်မှုသတ္တုဝါးမျိုသရုပ်သကန်သည် အချိန်မရွေးဝှေ့ယမ်းလာနိုင်သည့် ဓါးထက်ထက်တစ်လက်ပမာ ကျောက်စရစ်ပင်လယ်အတွင်း ပုန်းကွယ်နေနိုင်သည်။
![](https://img.wattpad.com/cover/329898427-288-k137424.jpg)
YOU ARE READING
ဖန်တီးရှင်ဆရာသခင် လင်းယွမ် (အတွဲ ၂) ဖန္တီး႐ွင္ဆရာသခင္ လင္းယြမ္
Actionဝိညာဉ်ချီ နိုးထပြီးနောက် ရာစုနှစ်တစ်ခုအကြာတွင် ကမ္ဘာကြီးသည် ခေတ်သစ်တစ်ခုအသွင် ဖြစ်ပေါ်လာသည်။ လူသားများသည် ကမ္ဘာမြေ၏နိုးကြားလာသော ဝိညာဉ်ချီကို စုပ်ယူနိုင်ပြီး လမ်းကြောင်းသစ်ဖြစ်သော -ဝိဉာဉ်ချီပညာရှင် လမ်းကြောင်းကို လျှောက်လှမ်းနိုင်ကြသည်။ တစ်ချိန်တည်း...