အခန်း ၂၃၁ - ဟီးဟီး ကျွန်တော်ကအနက်ပါ
နောက်တစ်နေ့၌ နံနက်ခင်းနေရောင်ခြည်သည် အိမ်အတွင်းသို့ထွန်းလင်းလာကာ အတွင်းရှိကျောက်စိမ်းသားနဲ့တူသော သစ်သားပရိဘောဂများကို အရောင်ဖျော့ဖျော့လေးလက်သွားစေပြီး အခန်းတွင်း၌ ရိုးရှင်းသောဆွဲဆောင်မှုတစ်မျိုးဖြင့် လှည့်ပတ်နေသည်။
ဉာဏ်ကြီးရှင်သည် လင်းယွမ်၏ရင်ခွင်တွင်းတိုးဝှေ့ကာ နှစ်နှစ်ခြိုက်ခြိုက်အိပ်မောကျနေစဥ် ချီမေကတော့ သူ၏လည်ပင်းတွင်နေရာယူထားသည်။ ခေါင်းလေးကိုလှုပ်လိုက်သည့်အခါ ခေါင်းထိပ်ကအမွေးများသည် သူ၏လည်ပင်းကို ပွတ်သပ်လို့သွား၏။ထိုသိမ်မွေ့သောလှုပ်ရှားမှုလေးကြောင့် သူ့မျက်လုံးများပွင့်လာသည်။ ဤသို့စိတ်အေးချမ်းသာအိပ်စက်လိုက်ခြင်းကြောင့် ယခင်ကရှိနေသောပင်ပန်းမှုအားလုံး ပျောက်သွားတော့သည်။
လင်းယွမ်သည် ချီမေနှင့်ဉာဏ်ကြီးရှင်ကို ခေါင်းအုံးပေါ်သို့ ဂရုတစိုက်ထားလျက် ခေါင်းလေးများကိုဖော်ပြီး စောင်ခြုံထားပေးလိုက်သည်။
ထို့နောက်မနေ့ညကတည်းက ဝမ်ယွီကြိုတင်ပြင်ဆင်ပေးထားသော ဝတ်စုံကိုဝတ်ကာ အခန်းထဲမှထွက်သွား၏။
အခြေခံအားဖြင့် သူသည်အဖြူရောင်အဝတ်အစားများကို တစ်ခါမှမဝတ်ဖူးပေ။ ယခုတွင် သူဝတ်ထားသည် အဖြူရောင်ပိုးသားဝတ်စုံသည် သူ၏လူငယ်ဆန်ဆန်အငွေ့အသက်ကို ပို၍ပင်ပြင်းထန်လာစေသည်။
သူအောက်ထပ်သို့ဆင်းနေရင်း ဆန်ပြုနှင့်အရံဟင်းများသယ်လာကာ မီးဖိုချောင်မှထွက်လာသော လျို့ကျယ်ကိုတွေ့လိုက်သည်။
လင်းယွမ်ကိုမြင်သောအခါ လျို့ကျယ်သည်ပြုံးကာဆိုသည်။ "မင်္ဂလာနံနက်ခင်းပါ၊ လင်းယွမ်။"
လင်းယွမ်သည် လှေကားမှအမြန်ဆင်းလာသည်။ "အကိုလျို့၊ ကျွန်တော်ကူပါ့မယ်။"
ထိုအခိုက် ဝမ်ယွီသည် အပြင်မှဝင်လာကာပြောသည်။ "သခင်လေး၊ မှာထားတာရောက်ပါပြီ။
![](https://img.wattpad.com/cover/329898427-288-k137424.jpg)
YOU ARE READING
ဖန်တီးရှင်ဆရာသခင် လင်းယွမ် (အတွဲ ၂) ဖန္တီး႐ွင္ဆရာသခင္ လင္းယြမ္
Actionဝိညာဉ်ချီ နိုးထပြီးနောက် ရာစုနှစ်တစ်ခုအကြာတွင် ကမ္ဘာကြီးသည် ခေတ်သစ်တစ်ခုအသွင် ဖြစ်ပေါ်လာသည်။ လူသားများသည် ကမ္ဘာမြေ၏နိုးကြားလာသော ဝိညာဉ်ချီကို စုပ်ယူနိုင်ပြီး လမ်းကြောင်းသစ်ဖြစ်သော -ဝိဉာဉ်ချီပညာရှင် လမ်းကြောင်းကို လျှောက်လှမ်းနိုင်ကြသည်။ တစ်ချိန်တည်း...