အခန်း ၂၅၅ - လင်းယွမ်၏ဂိုဏ်းတည်ထောင်ခြင်းအစ
လဧကရီက လက်ကိုဝေ့ယမ်းကာ နွေးနွေးထွေးထွေးပြောသည်။ "သွားပါ။ မင်းပြန်လာရင် မင်းအတွက် အရသာရှိတဲ့ စားစရာတွေ ဆရာလုပ်ပေးမယ်။"
လင်းယွမ် လယိမ်းတောင်မှဆင်းလာချိန် အလွန်ဉာဉ့်နက်နေပြီဖြစ်ကာ အေးစိမ့်သောဆောင်းလေများက တဖြူးဖြူးတိုက်ခတ်နေသည်။ ယင်းက သူ့ကိုရုတ်တရက် မဖော်ပြနိုင်စွာ ခံစားရစေသည်။ ပြင်းပြသောဆန္ဒနှင့် မြင့်မြတ်သောရည်မှန်းချက်များ အစရှိသည့် ခံစားချက်များဖြစ်သည်။လင်းယွမ်၏အမြင်တွင် ယောက်ျားတစ်ယောက်သည် စိတ်သဘောထား ကြီးမားရမည်။ သေးခြင်းရှင်ခြင်းကပ်ဘေးများကို မဖြတ်ကျော်ဖူးဘဲ လောကကြီး၏မှောင်မိုက်ခြင်းတရားအလုံးစုံထဲသို့ ခြေမလှမ်းဖူးလျှင်ပင် ငယ်ရွယ်စဥ်အချိန်ကတည်းက ကျေးဇူးတရား သို့တည်းမဟုတ် လက်စားချေမှု အစရှိသည်တို့ကို ကွဲကွဲပြားပြားနားလည်ကာ ပြန်လည်ပေးဆပ်သင့်သည်။
ယခု၌ လင်းယွမ်အတွက် ရှင်သန်ခြင်းဖြစ်စေ၊ ခွန်အားမြှင့်တင်ခြင်းဖြစ်စေ ပြင်ပဖိအားသိပ်မရှိနေပေ။ ခွန်အားအရာနှင့်ပတ်သက်၍ ဖိအားကိုခံစားရသော်လည်း ယင်းမှာ သူကိုယ်တိုင်ဆီမှလာသောအရာပင်။ အသက် ၁၈ နှစ်၌ ဤသို့သောခွန်အားမျိုးရှိသည်မှာ လူငယ်သူရဲကောင်းဟု ပြောနိုင်သည်။
သူဆရာသခင်၏စကားများကို ကြားသောအခါ ရုတ်တရက် ကိုယ်ပိုင်ဂိုဏ်းကို တည်ထောင်မည့်အကြံတစ်ခုရလာသည်။ သူသည် အဖွဲ့အစည်းတစ်ခုတည်ထောင်မည့် စိတ်ကူးရှိခဲ့ဖူးသော်လည်း ဂိုဏ်းဟုတော့ယူဆ၍မရပေ။
ယခုတွင် လင်းယွမ်၌ ကမ္ဘာမြေကြီး၏ဗျူဟာမြောက်အရင်းအမြစ်ဟုခေါ်နိုင်သော လွင့်မျောကျွန်းဝေလငါးတစ်ကောင်ရှိလေသည်။ သူ၏ကိုယ်ပိုင်ဂိုဏ်းကို လွင့်မျောကျွန်းဝေလငါး၏ကျောပေါ်၌ တည်ဆောက်နိုင်သည်။ ဧရာမသတ္တဝါတစ်ကောင်က ကျောပေါ်၌လွင့်မျော့နေသောမြို့တစ်မြို့ကို သယ်ဆောင်ထားသည်နှင့် တူသွားပေမည်။
![](https://img.wattpad.com/cover/329898427-288-k137424.jpg)
YOU ARE READING
ဖန်တီးရှင်ဆရာသခင် လင်းယွမ် (အတွဲ ၂) ဖန္တီး႐ွင္ဆရာသခင္ လင္းယြမ္
Actionဝိညာဉ်ချီ နိုးထပြီးနောက် ရာစုနှစ်တစ်ခုအကြာတွင် ကမ္ဘာကြီးသည် ခေတ်သစ်တစ်ခုအသွင် ဖြစ်ပေါ်လာသည်။ လူသားများသည် ကမ္ဘာမြေ၏နိုးကြားလာသော ဝိညာဉ်ချီကို စုပ်ယူနိုင်ပြီး လမ်းကြောင်းသစ်ဖြစ်သော -ဝိဉာဉ်ချီပညာရှင် လမ်းကြောင်းကို လျှောက်လှမ်းနိုင်ကြသည်။ တစ်ချိန်တည်း...