အခန်း ၂၇၁ - အလင်းပေါက်သွားတယ်! အမွှာဘုံဗိမ္မာန်နီက ကယ်တင်ခံလိုက်ရပြီ!
ဤရွှေရောင်သတ္တုပြားအတွင်း၌ သစ်ပင်ငယ်လေးမှလွဲ၍ ဘာမှမရှိပေ။ မီတာဝက်မျှရှည်ကာ အလွန်ကြော့ရှင်းသော်လည်း ထူးဆန်းပုံရသည်။
အရွက်များသည် သတ္တုရောင်ကဲ့သို့ လင်းလက်ခြင်းမရှိဘဲ သန့်စင်လှသောရွှေရောင်ဖြစ်သည်။ ထိုအစား နေ့လည်ခင်းချိန် ထွန်းလင်းသော အတောက်ပဆုံးနေကဲ့သို့သော အရောင်ကိုထုတ်လွှတ်နေသည်။
၎င်း၏ပင်စည်နှင့်အကိုင်းအခတ်များသည် အလွန်အမင်းအညိုရောင်သန်းသော်လည်း ပင်စည်ညိုညိုကတော့ လင်းယွမ်တစ်ချက်ကြည့်ရုံဖြင့် ရင်းနှီးသောပုံစံတစ်ခုဖြစ်ပေါ်နေသည်။
သူ၏ဝိညာဉ်ချုပ်ခန်းနေရာအတွင်းရှိ ပလာတိန်းသစ်သားစင်ပေါ်၌ ဟူချွမ်ထွင်းပေးခဲ့သော ဇာမဏီငှက်တောင်ကို လင်းယွမ်ရုတ်ခြည်း အမှတ်ရလာသည်။
ပင်စည်နှင့်သစ်ကိုင်းတို့သည် ပလာတိန်းသားပေါ်တွင် ဟူချွမ်ထွင်းပေးခဲ့သော ငှက်တောင်များနှင့် တူနေခဲ့၏။
သို့သော် ဝိညာဉ်ချုပ်ခန်းတွင်းရှိ ပလာတိန်းသစ်ပေါ်တွင်၌ လက်ဖြင့်ထွင်းထားခြင်းဖြစ်ကာ ဤကြော့ရှင်းသော်ငြား ထူးဆန်းပုံလည်းပေါက်သော ပင်စည်နှင့်အကိုင်းတို့သည်တော့ သဘာဝအလျောက်ကြီးထွားလာကြခြင်းဖြစ်သည်။
ဤအပင်ငယ်လေးပေါ်က ရွှေရောင်အရွက်များသည် လက်သည်းငါးချောင်းပုံဖြစ်နေသည်။ လင်းယွမ်၏အမြင်၌ ယင်းတို့မှာ ပျံသန်းနွယ်ဝင်ဝိညာဉ်သားရဲများ၏လက်သည်းများနဲ့ တူသော်လည်း ထိုလောက်တော့မထက်မြပေ။
ဤမီတာဝက်မျှရှည်သော အပင်ငယ်လေးသည် တောင်ဘက်ကို မျက်နှာမူကြီးထွားနေကာ သစ်ကိုင်းများနှင့်အရွက်များက ရွှေရောင်ငှက်သိုက်တစ်ခုကဲ့သို့ ရစ်ခွေနေလျက်ရှိသည်။
လင်းယွမ်ကြည့်လေလေ ထိုအပင်၏အကိုင်းနှင့်အရွက်များက ငှက်သိုက်ပုံပမာ ကြီးထွားလာသည်ဟု ထင်မိလေလေပင်။
YOU ARE READING
ဖန်တီးရှင်ဆရာသခင် လင်းယွမ် (အတွဲ ၂) ဖန္တီး႐ွင္ဆရာသခင္ လင္းယြမ္
Actionဝိညာဉ်ချီ နိုးထပြီးနောက် ရာစုနှစ်တစ်ခုအကြာတွင် ကမ္ဘာကြီးသည် ခေတ်သစ်တစ်ခုအသွင် ဖြစ်ပေါ်လာသည်။ လူသားများသည် ကမ္ဘာမြေ၏နိုးကြားလာသော ဝိညာဉ်ချီကို စုပ်ယူနိုင်ပြီး လမ်းကြောင်းသစ်ဖြစ်သော -ဝိဉာဉ်ချီပညာရှင် လမ်းကြောင်းကို လျှောက်လှမ်းနိုင်ကြသည်။ တစ်ချိန်တည်း...