အခန်း ၂၆၁ - ထူးဆန်းသောသက်လတ်ပိုင်းအမျိုးသား
လင်းယွမ်က ရှောင်ကျော၏ ခေါင်းကို ပွတ်သပ်ကာ မတ်တပ်ရပ်ရန်ပြင်လိုက်ချိန် အကြည့်တစ်ခုက သူ့ကိုစီစစ်နေသလိုခံစားလိုက်ရသည်။ ယင်းမှ ဖြတ်သွားဖြတ်လာတစ်ယောက်ယောက်မှ အကြည့်မဟုတ်ပေ။ ထိုအကြည့်မှာ လျှို့ဝှက်ပြီး စပ်စုလေသည်။
လင်းယွမ် အကြည့်၏ဦးတည်ရာဘက်ကိုကြည့်လိုက်ရာ သူ့ကိုစစ်ဆေးနေသော သက်လတ်ပိုင်းအမျိုးသားတစ်ယောက်ကို သတိပြုမိသွားသည်။ သက်လတ်ပိုင်းအမျိုးသားသည် နှိမ့်ချတတ်ပုံပေါ်ပြီး တည်ရှိမှုအာရုံကင်းမဲ့လုနီးပါးဖြစ်သည်။
လင်းယွမ် ရုတ်ခြည်းလှည့်လာသည်ကို မြင်သောအခါ ထိုသို့ကြည့်လာမည်ဟု သက်လတ်ပိုင်းအမျိုးသားက လုံးဝမမျှော်လင့်ထားသည်ဖြစ်ရာ ထိတ်လန့်သွားတော့သည်။ သူ၏စပ်စုနေသောပုံစံကို ကွယ်ဝှက်ဖို့ကြိုးစားကာ ဟက်ဟက်ပက်ပက်ရယ်ရင်း လမ်းလျှောက်လာလေသည်။
"ဟေး! လူငယ်လေး၊ မင်းလည်း အနက်လိုဝတ်ထားတာမလား။ အဆင့် ၃ အသူတရာချောက်ဒိုင်မင်းရှင်းအက်ကွဲကြောင်းထဲကို နေ့တိုင်းဝင်လာနေတဲ့ ငွေမျက်နှာဖုံးဝတ်လူအများကြီးရှိပေမယ့် ရှောင်ကျောက မင်းကိုအရင်းနှီးဆုံးနဲ့တူတယ်။"
မျက်နှာဖုံးနောက်ရှိ လင်းယွမ်၏မျက်နှာမှာ ချက်ချင်းပင် မျက်မှောင်ကြုတ်သွားသည်။ ဤအမျိုးသည် အလွန်သဘာဝကျသော အပြုအမူဖြင့်ပြောနေသော်လည်း လင်းယွမ်လှည့်လာချိန်က ရုတ်ခြည်းပြောင်းလဲသွားသော သူ၏အမူအရာကို မြင်ခဲ့ရသည်။
လင်းယွမ်သာ ဉာဏ်ကြီးရှင်၏ကိရိယာအသွင်ပြောင်းလဲခြင်းငွေမျက်နှာဖုံးကို မတပ်ထားခဲ့လျှင် ထိုအရိပ်အမြွက်ကို သတိထားခဲ့မိမည်မဟုတ်ပေ။ ငွေမျက်နှာဖုံးအောက်၌ လင်းယွမ်သည် ရှောင်ကျောကို ကြည့်နေသော်လည်း ပတ်ဝန်းကျင်နဲ့ပတ်သက်၍ သူ၏အာရုံများမှာ အလွန်စူးရှ၏။
လင်းယွမ်ခေါင်းနောက်ရှိ ကွယ်နေသောနေရာအပါအဝင် အနီးတဝိုက် ၄၀ မီတာအတွင်းသည် လင်းယွမ်အာရုံခံနိုင်စွမ်းရှိသည့် ပမာဏဖြစ်သည်။ ဉာဏ်ကြီးရှင်၏ကိရိယာအသွင်ပြောင်းလဲခြင်းသည် အဆင့်မြင်ဝိညာဉ်ချီပညာရှင်များ၏ အသေးစိတ်စီစဥ်ထားသည့် လုပ်ကြံမှုများကိုတော့ ဖောက်ထွင်းမြင်နိုင်ခြင်းမရှိချေ။ သို့သော် ထိုသက်လတ်ပိုင်းအမျိုးသား၏စစ်ဆေးသော မျက်လုံးများကို လင်းယွမ်အာရုံခံနိုင်သေးသည်။
YOU ARE READING
ဖန်တီးရှင်ဆရာသခင် လင်းယွမ် (အတွဲ ၂) ဖန္တီး႐ွင္ဆရာသခင္ လင္းယြမ္
Actionဝိညာဉ်ချီ နိုးထပြီးနောက် ရာစုနှစ်တစ်ခုအကြာတွင် ကမ္ဘာကြီးသည် ခေတ်သစ်တစ်ခုအသွင် ဖြစ်ပေါ်လာသည်။ လူသားများသည် ကမ္ဘာမြေ၏နိုးကြားလာသော ဝိညာဉ်ချီကို စုပ်ယူနိုင်ပြီး လမ်းကြောင်းသစ်ဖြစ်သော -ဝိဉာဉ်ချီပညာရှင် လမ်းကြောင်းကို လျှောက်လှမ်းနိုင်ကြသည်။ တစ်ချိန်တည်း...