အခန်း ၂၆၈ - ကာကွယ်ရေးတောင်ပံလေးခု
ပလက်တီနမ်ဝိညာဉ်သားရဲများရှိသည့် ဝိညာဉ်ချီပညာရှင်များကတော့ ဝင်နိုင်ပေလိမ့်မည်။ အမှန်တော့ သူတို့သည် ရွှေအထွတ်အထိပ်ဝိညာဉ်သားရဲများရှိသည့် အဖွဲ့ဝင်နှစ်ယောက်ကိုလည်း ခေါ်သွားနိုင်သည်။ သို့သော် ပလက်တီနမ်ဝိညာဉ်သားရဲမရှိသည့် ဝိညာဉ်ချီပညာရှင်များ သို့မဟုတ် ပလက်တီနမ်ဝိညာဉ်သားရဲများပိုင်သည့် အဖွဲ့ဝင်များမရှိသော ဝိညာဉ်ချီပညာရှင်များမှာ တောင်ကြားအပြင်၌သာ ကျန်နေပေလိမ့်မည်။ တောင်ကြားထဲဝင်ရန် အရည်အသွေးပင် ပြည့်မီခြင်းမရှိပေ။
လင်းယွမ်၏ရောက်ရှိလာမှုသည် ဤနေရာသို့ လေ့ကျင့်ရန်လာသည့် စွန့်စားသူများနှင့်လူငယ်များ၏ အာရုံကိုဆွဲဆောင်သွားသည်။
"လူလေး၊ ရှေ့ဆက်မသွားနဲ့တော့၊ ဒီကနေပဲကြည့်စမ်းပါ။ ဟိုနားမှာ သရေစာတွေရောင်းတဲ့လူရှိတယ်၊ စျေးတော့နည်းနည်းများတာပေါ့။"
လင်းယွမ်က ဘေးဘက်ကိုကြည့်လိုက်ရာ ဖက်တီးတစ်ယောက်က အရင်းအမြစ်တပုံတပင်ကို ပိုက်ထားကာ ဈေးလှည့်ရောင်းနေသည်ကို သတိထားမိသွားသည်။ ဖက်တီးနဲ့အသက်တူသည့် တခြားလူငယ်အနည်းငယ်လည်းရှိနေသည်။ သူတို့သည် လှည့်လည်ရောင်းချနေကြကာ ဖက်တီး၏အရင်းအမြစ်များကို ကူရောင်းနေ၏။
ဈေးအော်ရောင်းသံများက လေထုကိုအတော်လေး သက်ဝင်လှုပ်ရှားနေစေသည်။ မသိသည့်သူများက ဤနေရာ၌ ဖျော်ဖြေပွဲတစ်ခုအတွက် စုဝေးနေကြသည်ဟု ထင်သွားပေလိမ့်မည်။
ဤဖက်တီး၌ စျေးကွက်အမြင်ရှိသည်ဟု ပြောရမလား သို့မဟုတ် တုံးအကာမဆင်မခြင်လုပ်တတ်လွန်းသည်ဟု ဆိုရမလား လင်းယွမ် မသိတော့ပေ။
လင်းယွမ်သည် စီးဆင်းနေသောမီးတောက်ပုံမီးဒြပ်စင်စွမ်းအင်များဖြင့် ပြုလုပ်ထားသော အကာအကွယ်တစ်ခုရှိသည့် တောင်ကြားအဝင်ဝသို့ လျှောက်လာသည်။ သူဝင်ရန်ပြင်လိုက်ရုံရှိသေး၊ သက်လတ်ပိုင်းစွန့်စားသူတစ်ယောက်က လင်းယွမ်ကိုပြန်ဆွဲကာ ပြောသည်။ "မင်းသေချင်နေတာလား။ စောနက ကိုယ့်စွမ်းအားအပေါ် ယုံကြည်လွန်းနေကြတဲ့ ကောင်လေးတချို့က မီတာအနည်းငယ်လောက်သွားပြီးတာနဲ့ မီးဒြပ်စင်စွမ်းအင်ကြောင့် သေတဲ့အထိလောင်ကျွမ်းသွားကြတယ်။ စစချင်းမှာ တောင်ကြားကမီးဒြပ်စင်စွမ်းအင်က ငွေဝိညာဉ်သားရဲရဲ့ တိုက်ခိုက်မှုအဆင့်လောက်ပဲရှိပေမယ့် အခုတော့ ရွှေဝိညာဉ်သားရဲရဲ့ တိုက်ခိုက်မှုစွမ်းအင်လောက်ရှိနေပြီ။"
![](https://img.wattpad.com/cover/329898427-288-k137424.jpg)
YOU ARE READING
ဖန်တီးရှင်ဆရာသခင် လင်းယွမ် (အတွဲ ၂) ဖန္တီး႐ွင္ဆရာသခင္ လင္းယြမ္
Actionဝိညာဉ်ချီ နိုးထပြီးနောက် ရာစုနှစ်တစ်ခုအကြာတွင် ကမ္ဘာကြီးသည် ခေတ်သစ်တစ်ခုအသွင် ဖြစ်ပေါ်လာသည်။ လူသားများသည် ကမ္ဘာမြေ၏နိုးကြားလာသော ဝိညာဉ်ချီကို စုပ်ယူနိုင်ပြီး လမ်းကြောင်းသစ်ဖြစ်သော -ဝိဉာဉ်ချီပညာရှင် လမ်းကြောင်းကို လျှောက်လှမ်းနိုင်ကြသည်။ တစ်ချိန်တည်း...