အခန်း ၂၇၆ - မိုးကြိုးပြာအကာအကွယ်
ချူချီသည်လည်း ကာကွယ်ရေးဝိညာဉ်ချီပညာရှင်တစ်ယောက်ဖြစ်သော်ငြား မဆင်ခြင်တတ်သော နှလုံးသားရှိသည်။ ရှီရွှီ၏ဝိညာဉ်သားရဲများအားလုံးကတော့ မိုးကြိုးဒြပ်စင်များဖြစ်သော်လည်း ရှေးဆန်သောဝိညာဉ်ချီပညာရှင်များလျှောက်လှမ်းသည့် လမ်းကိုရွေးချယ်ခဲ့သည်။
အဖွဲ့ထဲ၌ဆိုပါက ရှီရွှီကဲ့သို့ ကာကွယ်ရေးဝိညာဉ်ချီပညာရှင်သည် ချူချီလိုမဆင်ခြင်တတ်သော ကာကွယ်ရေးဝိညာဉ်ချီပညာရှင်ထက်ပို၍ လူသိများလေသည်။
ရှီရွှီကနေရာ၌ရပ်နေပြီး ထိပ်ပြားကေလေးအောက်နားက မက်မွန်ပွင့်မျက်ဝန်းများကို ကျဥ်းမြောင်းလျက် ပြောသည်။ "တွေ့ပြီလား။ အဲ့ဒါခွန်အားပဲ။ မင်းသိမ်းလိုက်တဲ့ မီးတောက်နီတွေ လောင်ကျွမ်းနေတဲ့အရာကို ငါ့လက်ထဲ လိမ်လိမ်မာမာနဲ့ အပ်လိုက်၊ ငါမင်းကိုလွှတ်ပေးမယ်။"
မျက်နှာဖုံးနောက်က လင်းယွမ်၏မျက်ဝန်းများလည်း ကျဥ်းမြောင်းသွားကာ ပြန်ပြောသည်။ "ငါမပေးရင်ရော?"
ရှီရွှီက လက်ကိုဆန့်ကာ ခေါင်းကိုကုတ်၏။
"မင်းဝတ်စားပုံကိုကြည့်ရရင် အနက်ကို တုပထားပုံပဲ၊ ဟုတ်တယ်မလား။ အနက်ကို စံပြပုဂ္ဂိုလ်လိုသတ်မှတ်တဲ့သူက လူဆိုးတော့မဖြစ်လောက်ဘူး၊ ဆိုတော့ ငါမင်းကိုသက်ညှာပေးနိုင်ပါတယ်လေ။"
မျက်နှာဖုံးနောက်က လင်းယွမ်၏မျက်ခုံးများ မြင့်သွားရပြီး သူပြန်ဖြေလိုက်သည်။ "ငါ့လက်လွှဲပေး မပေးဆိုတာက မင်းစွမ်းရည်ပေါ်မူတည်တယ်။"
လင်းယွမ်သည် ခန္ဓါကိုယ်ထဲမှ ဝိညာဉ်စွမ်းအင်များကို ခြေထောက်မှတဆင့် အောက်ဘက်ကမြေကြီးထဲပို့လွှတ်လိုက်သည်။ သူ့ခြေဖျားအောက်က ရပ်တန့်နေခဲ့သော သဲရှင်သည် ရုတ်ခြည်းတဖန် လှုပ်ရှားထကြွလာလေသည်။ အကန့်အသတ်မှာ တောင်ကြားတဝိုက်ရှိ ကီလိုမီတာအနည်းငယ်မျှသာ မဟုတ်တော့ပေ။
ထို့အပြင်လင်းယွမ်သည် အရင်းအမြစ်သဲ တစ်လကြာစုစည်းထားခဲ့သော သဲမှုန်များကို မွှေနှောက်လိုက်ခြင်းဖြစ်သည်။ သဲမှုန်များသည် သဲပင်လယ်ကိုဖြတ်၍ ဝင်လာချင်သော စွန့်စားသူများကို အစွန်ဘက်သို့ တဖန်ရောက်ရှိသွားစေသည်။
![](https://img.wattpad.com/cover/329898427-288-k137424.jpg)
YOU ARE READING
ဖန်တီးရှင်ဆရာသခင် လင်းယွမ် (အတွဲ ၂) ဖန္တီး႐ွင္ဆရာသခင္ လင္းယြမ္
Actionဝိညာဉ်ချီ နိုးထပြီးနောက် ရာစုနှစ်တစ်ခုအကြာတွင် ကမ္ဘာကြီးသည် ခေတ်သစ်တစ်ခုအသွင် ဖြစ်ပေါ်လာသည်။ လူသားများသည် ကမ္ဘာမြေ၏နိုးကြားလာသော ဝိညာဉ်ချီကို စုပ်ယူနိုင်ပြီး လမ်းကြောင်းသစ်ဖြစ်သော -ဝိဉာဉ်ချီပညာရှင် လမ်းကြောင်းကို လျှောက်လှမ်းနိုင်ကြသည်။ တစ်ချိန်တည်း...