အခန်း ၂၁၃ - မိခင်သွေးချိုးကန်၏တောင်းဆိုမှု
လင်းယွမ်သည် ပယင်းရောင်ကြယ်သီးနှင့်တူသောအရင်းအမြစ်အမျိုးအစားပစ္စည်းကို စစ်မှန်သောအချက်အလက်နှင့် စစ်ဆေးကြည့်လိုက်သောအခါ မည်သို့ပင်ဖြစ်စေ ဤလေလံအား သူနိုင်ရမည်ဟု ဆုံးဖြတ်လိုက်တော့သည်။ ယင်းမှာ သူတောင့်တနေရသော အရင်းအမြစ်အမျိုးအစားပစ္စည်းပင်ဖြစ်ချေသည်။
အကယ်၍သင့်လျော်စွာ ပျိုးထောင်မည်ဆိုလျှင် သူ့ကိုကာကွယ်ပေးနိုင်ရုံသာမက ထိန်းချုပ်ခြင်းနှင့်တိုက်ခိုက်ခြင်းများ၌ပါ အသုံးပြုနိုင်သည်။ သို့သော် ၎င်း၏စာချုပ်ချုပ်ဆိုခြင်းအခြေအနေများမှာ အလွန်ကြမ်းတမ်းသည်ကြောင့် လူတိုင်းအားနောက်တွန့်သွားစေနိုင်သည်အထိပင်။
ဖန်တီးရှင်ဆရာသခင်တစ်ယောက်သည် လေလံတင်ပြီးသော အရင်းအမြစ်အမျိုးအစားပစ္စည်းများကို နေရာမှာတင် ဆန်းစစ်မည်ဖြစ်သည်၊ ထိုမှသာ ၎င်းသည်စာချုပ်ချုပ်ရန် မည်သည့်အခြေအနေများလိုအပ်ကြောင်းကို ဆုံးဖြတ်နိုင်မည်ဖြစ်သည်။
အဆင့်မြင့်ဖန်တီးရှင်ဆရာသခင်များပင်လျှင် အရင်းအမြစ်အမျိုးအစားသက်ရှိ၏ အထူးပြုကဏ္ဍနှင့်စွမ်းရည်ကို တိတိကျကျဆုံးဖြတ်နိုင်ခြင်းမရှိပေ၊ ထိုသို့သော သက်ရှိများသည် တကယ့်ကို ထူးဆန်းလွန်းနေတတ်ပြီး အများစုမှာ အတော်လေးတမူထူးတတ်ကြသည်။
လူထုသည် အရင်းအမြစ်အမျိုးအစားသက်ရှိများ၏ စွမ်းရည်အကြောင်းကို ထွန်းတောက်သောဖက်ဒရေးရှင်း လက်တွေ့စမ်းသပ်ချက်များနှင့် ကြော်ငြာချက်များတွင် တွေ့နိုင်သော်လည်း စာချုပ်ချုပ်သူသည် တခြားသောအရင်းအမြစ်အမျိုးအစားသက်ရှိများ၏ ခွန်အားနှင့် အသုံးပြုပုံကိုရှာဖွေရန်လိုအပ်သည်။
အရင်းအမြစ်အမျိုးအစားသက်ရှိများကို စျေးကွက်တွင် အလုအယက်ဝယ်ယူတတ်ကြခြင်း၏ အကြောင်းအရင်းအစစ်အမှန်မှာ ဝိညာဉ်ချီပညာရှင်၏ပါရမီသည် ၎င်းတို့ကိုမသက်ရောက်သောကြောင့်ပင်။ အရင်းအမြစ်အမျိုးအစားသက်ရှိများကို အမျိုးမျိုးခွဲခြားထားခြင်းမရှိသောကြောင့် သူတို့၏စာချုပ်ချုပ်နိုင်သော အခြေအနေကိုပြည့်မီသည်နှင့် စာချုပ်ချုပ်နိုင်လေသည်။
YOU ARE READING
ဖန်တီးရှင်ဆရာသခင် လင်းယွမ် (အတွဲ ၂) ဖန္တီး႐ွင္ဆရာသခင္ လင္းယြမ္
Actionဝိညာဉ်ချီ နိုးထပြီးနောက် ရာစုနှစ်တစ်ခုအကြာတွင် ကမ္ဘာကြီးသည် ခေတ်သစ်တစ်ခုအသွင် ဖြစ်ပေါ်လာသည်။ လူသားများသည် ကမ္ဘာမြေ၏နိုးကြားလာသော ဝိညာဉ်ချီကို စုပ်ယူနိုင်ပြီး လမ်းကြောင်းသစ်ဖြစ်သော -ဝိဉာဉ်ချီပညာရှင် လမ်းကြောင်းကို လျှောက်လှမ်းနိုင်ကြသည်။ တစ်ချိန်တည်း...