သူတို့မွန်ဘေကပြန်ထွက်လာချိန်အထိစည်းထဲကျန်ခဲ့သည့်သက်တော်စောင့်အားလုံးလှုံလှုံခြုံခြုံရှိနေကြဆဲပင်။ သို့သော် ရှောင်းလင့်ကိုတွေ့သွားသည်နှင့် မျက်လုံးပြုတ်ကျမတတ်ပြူးကျယ်ကုန်ပြီး တွင်းထဲတစ်ခေါက်မေ့လဲခဲ့သည့်နှစ်ယောက်ကတော့ထပ်ပင်မေ့သာပစ်လဲချင်နေရှာတော့သည်။
"ဆရာချီ အန္တရာယ်ကင်းကင်းပြန်လာနိုင်တာကောင်းလိုက်တာ ကျတော်တို့စိတ်ပူနေကြတာ တစ်ခုပဲ ဘာလို့ရှောင်းလင့်ကပါဒီမှာရှိနေရတာလဲ?"
ချီကျိရုန်အနောက်ကိုလှည့်ကြည့်ရင်း မျက်နှာတည်နှင့်ပင် အရှေ့ပြန်လှည့်ကာ
"အပေါက်ဖို့လိုက်တော့"
ချီကျိရုန်စိတ်မကြည်သည့်မျက်နှာထားကြောင့် အောက်မှာ ဘာရတနာမှမတွေ့ခဲ့သောကြောင့်စိတ်မကြည်ခြင်းဖြစ်မည်ဟုကောက်ချက်ချလိုက်ကြ၏။ ဒီလိုသရဲတစ္ဆေတွေနဲ့ညစ်ပတ်နေတဲ့မြေမှာ ဘယ်ကရတနာကခြေထောက်ပေါက်လာမှာလဲ?
မြေဖို့သူဖို့ ၊ တဲဖြတ်သူဖြုတ်ဖြင့် တာ၀န်ကိုယ်စီလုပ်ရင်း ထွက်ရန်အဆင်သင့်ပြင်လိုက်ကြချိန်ထိ သက်တော်စောင့်တွေသိချင်နေဆဲ။
"အဲ့လူထူးဆန်းကြီးက ဘယ်လိုပျောက်သွားတာလဲ?အောက်မှာ.....?"
"စကားပြောရပ်ကြတော့"
အားကွေ့ပြောရင်း သူ့သူဌေးကိုသာစောင့်ကြည့်နေလိုက်၏။ တွင်းထဲ ချီရှီကသူ့သူဌေးကိုအမြင်တော်တော်မကြည်သဖြင့် ချီရှီလက်ပါမည်ကိုစိုးမိ၏။ ကံကောင်းသည်က ချီရှီရုတ်တရက်ထထွက်သွားခြင်း။
ကျန်းချိုးအရှေ့ကရှောင်းကျန်းလက်အိအိလေးကိုဆွဲလျှောက်ရင်း လီစူးကို စိတ်ရိမ်တကြီးမေးလိုက်၏။
"ဘာလို့ချီရှီထွက်ပြေးသွားတာလို့ထင်လဲ? ကျတော်က သူကျိရုန်ကိုသတ်တော့မယ်လို့ထင်နေတာ"
"အဲ့ပုံက သူ ကျိရုန်ကိုသတ်ချင်နေတဲ့ပုံမဟုတ်ဘူး"
လီစူးပျင်းတွဲတွဲပြန်ဖြေရင်း ဆက်ပြောချင်နေသည့် ကျန်းချိုးကိုစကားလမ်းလွှဲလိုက်၏။
"ရှီအန်းမှာဘာစိတ်၀င်စားစရာရှိလဲ?"
ချီရှီသာစိတ်ထဲလွှမ်းနေသည့် ကျန်းချိုး ရုတ်တရက်အံ့အားသင့်သွားရ၏။
![](https://img.wattpad.com/cover/204261873-288-k443764.jpg)
YOU ARE READING
သွေးစုပ်ဖုတ်ကောင်၏ သန္ဓေသားနှင့်အတူနိုးထခြင်း(MMtranslation)
Adventureေသြးစုပ္ဖုတ္ေကာင္၏ သႏၶေသားႏွင့္အတူႏိုးထျခင္း Title : I woke up pregnant with a Jiangshi's child Original Author: Lu Guitu Genre: supernatural / historical Eng Translator: momochingu@ Novel status: completed 100+extras Translation status: on going(e...