ဖီးရှန်ဟွေးဝမ်ဂူ(5)
ဖောက်ထွင်းထားသော ဂူပေါက်မှာအလွန်ကျဉ်းပြီး အလွန်မှောင်၊ အလွန်နက်မှန်း အပေါ်ကတစ်ချက်ငုံ့ကြည်လျှင်တောင် လဒူပင်သိနိုင်လေသည်။ ဂူတွင်းထဲမှ ခြောက်ခြောက်ချားချားအအေးဓာတ်ပင်လျှင်အပြင်သို့ ရောက်လာသယောင် အေးစိမ့်လွန်းနေ၏။ မြေနံ့နှင့်အနံပေါင်းများစွာရောနေသော ဤဂူပေါက်ထဲဝင်ရမည်ကို ကြောက်သည်မှာ ဂူပေါင်းများစွာထဲဝင်ဖူးခဲ့သော ကျန်းချိုးအတွက် ယခုတစ်ကြိမ်က ပထမဆုံးပင်။ နောက်ဆုံး ၀င်ခဲ့သည်မှာ ဂူမူးပြည်မှဂူဖြစ်ပြီး ထိုအချိန်က သိပ္ပံနည်းကျနှင့် လက်တွေ့ဆန်လှစွာသောအဖွဲ့သားတို့သာပါလေပြီး ယခုအခြေအနေနှင့် လားလားမျှမဆိုင်။ ယခုသော်ကား ကျန်းရှီတစ်ကောင်၏ ကိုယ်ထည်ပင်လျှင် ဂူဘေးတွင် ယခုအထိဘေးတွင်ရှိနေတုန်း။ မည်သို့ပင်ဖြစ်စေ ယခုအကြောက်ဆုံးမှာ တစ်ယောက်တည်းကျန်နေမည့်အဖြစ်။
လီစူးအရင်ဆင်းသွားလေပြီ။ ဤဂူပေါက်မှာနက်သော်လည်း ကျဉ်းလွန်းလှသဖြင့် တွားသွားသွားနေရသည့်အဖြစ်...ပိုစိုးသည်က တစ်ယောက်ချင်းသာ သွား၍ရခြင်း။ ကျန်းချိုးကနဦး၌ အင်္ကျီတို၊ ဘောင်းဘီတိုဝတ်ထားသော်လည်း.. လီစူး လောင်ဒါးထံမှ အလုံဖုံးအ၀တ်တို့တောင်း၍ ၀တ်ခိုင်းသဖြင့် အခုလိုအနေအထားတွင် မြေတစပင် အ၀တ်ထဲမ၀င်နိုင်သဖြင့် အလွန်ကိုအဆင်ပြေလှ၏။ ထို့ပြင် ပစ္စည်းပေါင်းမြောက်များစွာထည့်နိုင်သော အိတ်ကပ်ပေါင်းများစွာလည်း ပါလေသည်။ ကံကောင်းသည် ကံဆိုးသည်မသိ..ကျန်းချိုးအိတ်ထဲ မည်သည့်ပစ္စည်းမှမထည့်ရ..မုန့်ပင် မထည့်ရပါချေ။
လီစူးမှာ အရပ်ရှည်သော်လည်း တွားသွားနေပုံမှာ ကိုးယို့ ကားယားမဖြစ်..ကြောက်ကြောက်လန့်လန့် နှေးတုန့်တုန့်လည်းဖြစ်မနေချေ။ ကျန်းချိုး လီစူးနောက်ထပ်ကြပ်မခွာလိုက်နေရင်း လီစူးနောက်ကျောမတိုက်မိအောင်ကြိုးစားရသကဲ့သို့ နောက်မှလိုက်လာသော လောင်ဒါးတို့၏အဆူထပ်ခံရမည်ဆိုး၍ မနှေးလည်းမနှေးရဲ...။
YOU ARE READING
သွေးစုပ်ဖုတ်ကောင်၏ သန္ဓေသားနှင့်အတူနိုးထခြင်း(MMtranslation)
Adventureသွေးစုပ်ဖုတ်ကောင်၏ သန္ဓသေားနှင့်အတူနိုးထခြင်း Title : I woke up pregnant with a Jiangshi's child Original Author: Lu Guitu Genre: supernatural / historical Eng Translator: momochingu@ Novel status: completed 100+extras Translation status: on going(e...