ရင်းနှီးနေသည့် ကိုယ်ငွေ့က သူ့ကို တဒင်္ဂလောကကြီးနှင့်အဆက်ပြတ်သွားစေလေသည်။ တစ်ခြားတစ်ဖက်က လျှာဖျားလေးဖြင့်ပင် သူ့နှုတ်ခမ်းတစ်စုံကို စိတ်ကြိုက်လျှက်နေသည်မှာ ဂျယ်လီများစားနေသည်ထင့်။ သူဆိုသည့် ကျန်းချိုးက ရက်ရက်ရောရောပင် နှုတ်ခမ်းတစ်စုံကိုဟပေးလျက် အတွင်းထဲထိအရသာခံစေတော့သည်။ အနမ်းတို့က တစတစပြင်းထန်လာသည်နှင့်အမျှ ကျန်းချိုးခါးပင်မမတ်နိုင်တော့ပဲ ပျော့ခွေသွားရလေသည်။ တော်ပါသေးသည်..ကားထဲတွင်မို့။ ***ဟမ်! ကား..ကားထဲမှာ!!!***
ကျန်းချိုးအခုမှ ဖီးရှန်ရှိသည်ဟူသည့် ဖြစ်တည်မှုကြီးကိုပြန်အမှတ်ရမိသွားပြီး ထိုဖီးရှန်မှာ လီစူးလိုပင် အမှောင်ထဲမြင်နိုင်သူဆိုတာပါ သတိရသွားလေသည်။ အရိပ်က တဖြေးဖြေးခွာသွားသော်လည်း ကျန်းချိုးကိုနောက်တစ်ကြိမ်ပြန်နမ်းလာသေး၏။
"ကိုယ်မင်းကိုနမ်းရင်လည်း အတူတူပဲမို့လား"
တစ်ဖက်သူကပြောရင်း ကျေနပ်စွာဖြင့် သူ့နေရာသူဖင်ပြန်ချသွားလေသည်။ စိတ်တိုရန် အခုမှ သတိရသွားပါသော ကျန်းချိုးပင်။
"လီစူး!!!"
"အင်"
အင်ဆိုသည့် ပြန်ထူးသံပျော့ပျော့လေးက ကျန်းချိုးနှုတ်မှ တစ်ခွန်းလေးတောင်မထွက်ကျနိုင်လောက်အောင် အားပြင်းသွားပေသည်။ သူမျက်နှာပုံစုံကော အသံအနေအထားကော ပြန်ပြင်နိုင်အောင် အငွေ့တစ်ခေါက်လောက်ပြန်လိုက်ချင်ပါရဲ့။
"ကိုယ်မီးပိတ်ထားတယ်လေ"
လီစူးအသံက ပကတိ innocentလေသံလေး။
"မင်းရှက်နေတာ ကိုယ်သိပါတယ်"
***ဟမ်..သိတယ်ဆို ဘာလို့အခုထက်ထိ မျက်နှာကြီးမဖယ်သေးတာလဲ***
"ဖီးရှန်အမှောင်ထဲမှာ မြင်နိုင်တာ ကျတော်မမေ့သေးဘူးလေ"
"ငါမတွေ့ချင်ယောင်ဆောင်ထားတယ်:
ဖီးရှန်မှာ မပါမဖြစ်အနေဖြင့် နောက်ခုံကနေ ပြောရှာ၏။
"ကျတော်..ကျတော်ခများကြီးကို သတ်မိတော့မယ်..လီစူး!!!"
YOU ARE READING
သွေးစုပ်ဖုတ်ကောင်၏ သန္ဓေသားနှင့်အတူနိုးထခြင်း(MMtranslation)
Adventureေသြးစုပ္ဖုတ္ေကာင္၏ သႏၶေသားႏွင့္အတူႏိုးထျခင္း Title : I woke up pregnant with a Jiangshi's child Original Author: Lu Guitu Genre: supernatural / historical Eng Translator: momochingu@ Novel status: completed 100+extras Translation status: on going(e...