ပိုင်ဝူရိသည် အတန်ကြာသည်အထိ နာကျင်မှု မခံစားရတာကြောင့် မျက်လုံးဖွင့်ကြည့်လိုက်စဉ် ဓားရှည်က မြေပြင်တွင် စိုက်ထားသည် ကို မြင်လိုက်ရသည်။
"ဝေ့ဝေ့ တွေဝေနေတာလား ''
ပိုင်ဝူရိ၏ မေးခွန်းကြောင့် ရှောင်ကျန့် မချိပြုံးလေးပြုံးလိုက်သည်။ သူသာ ကျိုးဝေ့ဖုန်း ဆိုရင် သတ်မိမှာ မှန်ပေမယ့် System က ဇာတ်လိုက်ကို သတ်ရင် ပစ်ဒဏ်သင့်မှာဟု Kitty က အချိန်မီသတိပေးလာသည့်အတွက် သူ မသတ်ဘဲ ဓားကို မြေပြင်တွင် ထိုးစိုက်ပစ်လိုက်ခြင်းဖြစ်သည်။
" ဝေ့ဝေ့ မင်းပဲကိုယ့်ကိုကလဲ့စားချေချင်နေခဲ့တာမဟုတ်လား ''
"အ အရှင် ''
"ကိုယ်အားလုံးသိပြီးပါပြီ အခု ကိုယ်မင်းကို အခွင့်အရေးပေးနေတယ်လေ ကိုယ့်ကို သတ်လိုက်ပါ ''
"......''
'သတ်ချင်တာပေါ့ ဒါပေမယ့် ပြစ်ဒဏ်ထိမှာ ငါလေးကြောက်တယ်လို့ ဇာတ်လိုက်ကြီးရဲ့ '
ရှောင်းကျန့်သည် စိတ်ထဲကနေ အော်ဟစ်ပြောဆိုနေရင်း အပြင်ဘက်ကတော့ အသံတစိုးတစိမျှထွက်ကျမလာခဲ့ပေ။
" ဝေ့ဝေ့ ''
"သွားပါတော့ အရှင် ကျွန်တော်တစ်ယောက်တည်းနေချင်တယ် ''
" ......''
ပိုင်ဝူရိက ကျိုးဝေ့ဖုန်းကို မျှော်လင့်တကြီးကြည့်ဖူးခဲ့သော်လည်း အခုတော့ မျှော်လင့်ချက်မဲ့သော မျက်လုံးများနှင့် တမေ့တဆွေး ငေးမောကာ လှည့်ထွက်သွားရသည်။
ထွက်သွားတဲ့ ပိုင်ဝူရိ၏ ရွှေဝါရောင်ကျောပြင်အား ငေးကြည့်နေသော ကျိုးဝေ့ဖုန်းက နန်းဆောင်အနီး အုတ်တံတိုင်းနားမှသစ်ပင်ပေါ်က လူတစ်ဦး၏ စူးရှသော အကြည့်တို့အား မသိခဲ့ပေ။
----*----*----*----*
တောက်ခေါက်ကာ စားပွဲပေါ်က စားသောက်ဖွယ်များကို တိုက်ချပစ်လိုက်သည်။
" ရှောင်ဖုန်း မင်းက ပိုင်ဝူရိကို သတ်ဖို့တောင် လက်တွေတွန့်ဆုတ်နေပြီပေါ့လေ''
"မင်းမသတ်ရင် ငါကိုယ်တိုင်က သတ်မှာ ရှောင်ဖုန်း ''
ခန်းဆောင်ထဲမှာ လေထုကအေးစက်လျက်ရှိကာ တစ်စုံတစ်ဦး၏ ဒေါသပေါက်ကွက်နူန်းလည်းမြင့်မားနေခဲ့သည်။
YOU ARE READING
Peculiarly System [Completed ]
RomanceStart date ... September 17 .2021 End date .....July 30.2023 System ဆိုတာ စိတ်ကူးယဉ်ကမ္ဘာတဲ့ သူကပြောတယ် ငါ့အတွက်တော့ သူက ကြောက်စရာကောင်းတဲ့ Vicious System ပဲ Xiao Zhan ❌ IT'S NOT TRANSLATION . ❌