Peculiarly System [Completed ]

Arc(9.12)

ကလေတန်ဆဲလ်ဗားက ရုတ်တရက်ရောက်လာပြန်တဲ့မာလေကိုကြည့်ပြီး စိတ်မကောင်းသလိုပြုံးလိုက်၏။

" ကလေတန်.. မင်းရဲ့ ပျောက်ကွယ်ဖို့အချိန်က နီးလာပြီနော် ''

" မာလေ... ငါတစ်ခုလောက်ပြောချင်တယ် နေရာတစ်ခုကို လုယူဖို့ မခက်ခဲပါဘူး ဒါပေမဲ့ ရှေ့လူတစ်ယောက်ကိုမတုနိုင်ရင် မလုတာက အကောင်းဆုံးပဲ ''

" နှစ်ပေါင်းများစွာ ငါအုပ်ချုပ်လာခဲ့တယ်..ဘယ်နေရာမှာ ငါ့ကို  မကျေနပ်ချက်တွေအော်ပြောနေတာရှိလို့လဲ ကလေတန် ''

" သူတို့မပြောရဲကြဘူးလေ..မင်းက ငါးမန်းစာကျွေးပစ်လိမ့်မယ် ဆိုတာ သူတို့ သိပြီးသား မို့ ''

မာလေက ဟက်ခနဲ လှောင်ရယ်ကာ ကလေတန်ကိုကြည့်နေတယ်။

" ထားပါတော့.. ငါ့ရဲ့ တူလေးကို ငါတွေ့ပြီးပြီ..သိလား ''

" မဖြစ်နိုင်တာ ''

" အိုး..ဘာလို့အဲ့လိုကြီး ပြောရတာလဲ.. သေချာလို့ အခုဆိုရင် သူကနန်းတော်မှာရောက်နေပြီ..ငါက သူ့ကို မကြာခင် လက်ထပ်ပြီး မိတ်ဖက်အဖြစ်တရားဝင်ကြေညာတော့မှာ ''

" ယုတ်မာလိုက်တာ အဲ့တာ မင်းရဲ့ တူလေ''

" ငါက ယုတ်မာတယ်.. တူတွေဘာတွေမသိဘူး..ငါလိုချင်တာငါရအောင်ယူမှာ..ပြီးတော့ ငါက အစကတည်းက ယုတ်မာတဲ့သူပဲလေ ''

ကလေတန်က အံကြိတ်ကာ ဒေါသကို ဖြေနေပုံရပြီး မာလေကို မျက်နှာလွှဲထားတော့သည်။

မာလေက အောင်နိုင်သူတစ်ယောက်ရဲ့ အပြုံးကို ဆင်မြန်းလျက် ထိုနေရာမှ ထွက်လာခဲ့လိုက်သည် ။

.......................

မိုင်လီက ရေထဲမှာ ခြေထောက်အစုံချကာ ရပ်လိုက်ပြီး ဂါထာတစ်ခုကိုရေရွတ်လိုက်သည်။

မကြာမီတွင် သူမသည် ထိုနေရာမှ ပျောက်ကွယ်သွားတော့သည် ။

အကြောင်းအစုံအလင်ကိုမြင်နေရသည့် ထရီဇာက အံ့သြစွာ ကြည့်နေမိပြီး မီဂေးလ်ကလည်း ထိုနည်းလည်းကောင်းပင်။

အဘွားမိုင်လီသည် ရေအောက်နန်းတော်မှာ ပေါ်လာခဲ့သည်။ သူမသည် အကွာကို လိုက်လံရှာဖွေနေခဲ့သည်မှာ အချိန်တော်ကြာနေပေမယ့် အရိပ်ယောင်ပင်မတွေ့ရပေ။