မနက်ခင်းမှာ ချစ်ရသူနဲ့နှစ်ယောက်အတူ နိုးထလာရတဲ့ခံစားချက်က အလွန်ကြည်နူးဖို့ကောင်းတယ်မဟုတ်လား။ညကျမှအခန်းခွဲအိပ်မယ်ဆိုတဲ့ ဘန်က ပြောပြီးကတည်းက အိပ်ပျော်သွားလိုက်တာ ဒီမနက်ရောက်တဲ့အထိ မနိုးသေးပါဘူး။
ဂျက်ဖရီက ဘန့်ကို ငေးကြည့်နေရာမှ ပါးလေးကို အနမ်းတစ်ချက်ပေးကာ မွှေးကြူလိုက်ရင်း နူးနူးညံ့ညံ့နဲ့ စကားဆိုလိုက်သည်။
" ဟန်နီ ထတော့လေ ''
" နိူးနေပါပြီ..မျက်စိတွေက မပွင့်သေးတာပါ ဒါလင်ရာ ''
အိပ်ချင်မူးတူး လေသံနဲ့ ပြောလာတဲ့ဘန်ရဲ့ နူတ်ခမ်းပါးလေးကို ဂျက်ဖရီက တစ်ချက်ဆွဲစုပ်လိုက်ပြီး ကုတင်ပေါ်က ဆင်းလိုက်သည်။
ထို့နောက် ဂျက်ဖရီက နူတ်ခမ်းတွန့်ရုံပြုံးလိုက်ပြီး အသည်းယားစွာ ပွေ့ချီလိုက်တဲ့အခါ ဘန့်ရဲ့ မျက်လုံးလေးတွေက ဖျက်ခနဲ ပွင့်လာခဲ့သည်။
" ဂျက်ဖရီ.. ဘာလုပ်တာလဲ ၊ ချပေး''
" မနက်ဖြန်ညမှ ချပေးမယ်နော်''
" ဘာပြောတာလဲ.. အောက်ကိုချပေးဖို့ပြောနေတာလေ ''
" မသိပါဘူး..ကိုယ်က ''
" တော်တော့..ဒါနဲ့ မနက်ဖြန်ညကဘာမို့လို့လဲ ''
" ကိုယ်နဲ့ဟန်နီနဲ့ရဲ့ မင်္ဂလာဦးညလေ''
" ဘယ်သူကဆောင်မယ်ပြောလို့လဲ ''
နှာခေါင်းလေးရှုံ့ကာ အောင့်စူစူနဲ့ မျက်စောင်းထိုးရင်းပြောလာတဲ့ဘန့်ရဲ့ ပါးလေးကို ဂျက်ဖရီက တစ်ဖန်ထပ်နမ်းပြန်သည်။
အခန်းလေးထဲမှာ ရယ်သံတွေက ဆူဆူညံလို့နေပါရဲ့။
........
မနက်စာစားပြီးတဲ့အချိန်ကနေစပြီး ဂျက်ဖရီက အလုပ်တွေရှုပ်နေတော့တာမို့ ဘန်က အခန်းထဲမှာ ငြိမ်ငြိမ်လေးနေပြီး Kitty နဲ့စကားစမြည်ပြောမိသည်။
ယခုဆို ညနေဘက်တောင်ရောက်လုနေပြီဖြစ်သည်။ ရယ်စရာမောစရာတွေ ထွေရာလေးပါးလျှောက်အတင်းပြောပြီးမှ Kitty က တစ်ခုခုကို သတိရသွားလေဟန်ဖြင့် သက်ပြင်းချလေသည်။
YOU ARE READING
Peculiarly System [Completed ]
RomanceStart date ... September 17 .2021 End date .....July 30.2023 System ဆိုတာ စိတ်ကူးယဉ်ကမ္ဘာတဲ့ သူကပြောတယ် ငါ့အတွက်တော့ သူက ကြောက်စရာကောင်းတဲ့ Vicious System ပဲ Xiao Zhan ❌ IT'S NOT TRANSLATION . ❌