မနက်ခင်းမှာနိုးထလာတဲ့ သူတို့၃ယောက် သည် ပတ်ဝန်းကျင်ကို အကဲခတ်ကြည့်လိုက်တော့ ဆိပ်ကမ်းကိုပြန်ရောက်နေတာကိုသိလိုက်ရသည်။
ရှဲ့လီဖုန်းနဲ့ ယွီရန်သည် Kitty ဆိုတဲ့သူအားလိုက်ရှာကြည့်နေကြပေမယ့် ယွီယွမ်က တည်ငြိမ်စွာပင် နေရောင်ခြည်ကိုခံစားနေသည်။
" ရှာမနေနဲ့တော့ တွေ့မှာမဟုတ်ဘူး ''
ယွီယွမ် စကားကြောင့် လီဖုန်းနဲ့ ယွီရန်က နားမလည်တဲ့မျက်ဝန်းတွေနဲ့ကြည့်လာသည်။
" သူပြန်သွားတာငါတွေ့လိုက်တယ် ကဲ ငါတို့ အိမ်ပြန်ကြရအောင် ''
" အင်း အဲ့တာဆိုလည်း ပြန်ကြရအောင် ''
ယွီရန်ကတော့ လှည့်ကြည့်လှည့်ကြည့်လုပ်နေရင်း လီဖုန်းတို့နောက်ကနေလိုက်လာခဲ့သည်။
...........
နောက်၁ပတ်အကြာမှာ သူတို့နှစ်ဦး လက်ထပ်ပွဲကိုအောင်မြင်စွာ ကျင်းပနိုင်ခဲ့ပြီး အကြင်လင်ခင်ပွန်းဘဝသို့ ပြောင်းခဲ့ကြသည်။
" ယွီယွမ် !!! ''
" ဘာလဲဟ လန့်တာ ''
ရှောင်းကျန့်အနေနဲ့ ထိုကဲ့သို့ ချိုသာတဲ့ငှက်ဆိုးသံကြောင့် အမှန်တကယ်ပင် လန့်သွားရသည်။ ကြည့်လိုက်တော့ မျက်နှာသေနဲ့ မိုးကျရွှေကိုယ် မစ္စတာ ရှဲ့လီဖုန်း ခေါ် သူ့ရဲ့ သဝန်တိုတတ်လွန်းတဲ့ လင်တော်မောင်အိမ်ဦးနတ်ကြီးကိုမြင်လိုက်ရသည်။
*သူက ဘာဖြစ်နေတာလဲ*
တစ်ကိုယ်လုံးကို မျက်နှာသေနဲ့ စိုက်ကြည့်နေတဲ့ အတွက် ဘာများလဲလို့ အမြန်စဉ်းစားလိုက်သည် ။
*ဒါပေမယ့် ငါဘာမှ အမှားလုပ်မထားပါဘူး၊ ဒါဆို ဘာလို့ပါလိမ့် ၊ ဧကန္တ ငါအရမ်းချောနေလို့ ဒီကောင် မနာလိုတိုရှည်ဖြစ်နေတာများလား ။ဟိဟိ*
လီဖုန်းသည် သူ့ရှေ့က နူတ်ခမ်းစူကာ စဉ်းစားနေရင်း ရုတ်တရက် ရယ်သံ သေးသေးလေးနဲ့ ပြုံးရယ်လိုက်သူကြောင့် ဘာများလဲလို့ အလိုမကျဖြစ်သွားရသည်။
" ဘာရယ်တာလဲ ''
" ဟမ် အာ ရယ်မိလို့လား ''
မျက်နှာပြောင်တိုက်ကာ ခပ်တည်တည်နဲ့ မေးလာတဲ့ ဒီလူသားလေးက သူ့ဘက်ပဲ ချစ်တဲ့မျက်စိနဲ့ကြည့်နေမိလို့လားမသိပေမယ့် အသည်းယားစရာကောင်းတဲ့အပြင် အချိန်တိုင်းဖက်နမ်းပြီး သိမ်းထားချင်စရာဖြစ်နေသည်။
YOU ARE READING
Peculiarly System [Completed ]
RomanceStart date ... September 17 .2021 End date .....July 30.2023 System ဆိုတာ စိတ်ကူးယဉ်ကမ္ဘာတဲ့ သူကပြောတယ် ငါ့အတွက်တော့ သူက ကြောက်စရာကောင်းတဲ့ Vicious System ပဲ Xiao Zhan ❌ IT'S NOT TRANSLATION . ❌