ဇိုဝီဂါဘရီရယ်လ်က ကုမ္မဏီက မပြီးပြတ်သေးတဲ့အလုပ်တွေကို နားရက်မှာလည်း ဆက်လက်လုပ်ဆောင်နေရသည်။
ဒါ့ကြောင့်လည်း ကြောင်ကလေးလို အမြဲတမ်းကပ်ချွဲပြီး မုန့်ဖိုးတောင်းတတ်သော မောင်လေးခရစ်စတန်ကိုသတိမထားမိပေ။
" ဇိုဝီ ''
" ဟုတ်ကဲ့ မာမီ ''
" ခရစ်စတန်အိမ်ပြန်လာသလား ''
" ဟင်''
သူမ၏မျက်ခုံးတန်းတွေက မာမီ့စကားကြောင့် တွန့်ကျိုးသွားရသည်။
မောင်လေးက အိမ်မပြန်လာဘူးပေါ့။
ဘယ်တွေသွားနေတာလဲ ။
" မာမီ.. အခုတလောမှာ မောင်လေးက ကျွန်မဆီမလာဘူး ၊ အပြင်က သူ့သူငယ်ချင်းတွေနဲ့များလျှောက်ပြီးခရီးတွေထွက်နေသလားမှမသိတာ မာမီရယ် ''
" အဲ့ဒါဆိုရင် မာမီ့ဆီကလည်း မုန့်ဖိုးတောင်းမသွားဘူးလေ ''
" ဒယ်ဒီ့ဆီကတောင်းသွားတာရောမဖြစ်နိုင်ဘူးလား''
" မဖြစ်နိုင်ဘူး ၊ သမီးရဲ့ ဒယ်ဒီကိုယ်တိုင်က ခရစ်စတန်လေး သူ့ဆီရောက်မလာလို့ မာမီကို မေးနေသေးတာ ''
" ဒါဆို ခရစ်စတန်လေးပျောက်နေတာပေါ့?''
ဇိုဝီက ချက်ချင်းပင်ထရပ်လိုက်ပြီး အပြင်ကိုထွက်သွားတော့သည်။
" မာမီစိတ်ချ မောင်လေးကို ကျွန်မသွားရှာလိုက်မယ်''
ဆိုတဲ့စကားကို မစ္စဂါဘရီရယ်လ်က ခေါင်းလေးတဆတ်ဆတ်ညိတ်ရင်း မျက်ရည်လေးတွေဝဲလို့။
သူမတို့၏ အသည်းအသက်လေး ဘာမှ မဖြစ်ပါစေနဲ့ ဘုရားသခင်လို့ မြည်တမ်းရင်း။
.........
" အသည်း ''
ဂျိုလိုဒေးဗစ်ရဲ့ခေါ်သံကြောင့် ခရစ်စတန်က မျက်စောင်းအကြီးအကျယ်ထိုးကာ စောင်နဲ့လုံးထွေးပြီး ကုတင်ပေါ်မှာလှဲနေရက်သားကနေ ကျောပေးလိုက်သည်။
ဒီဂျိုလိုဒေးဗစ်က မဟုတ်သေးပါဘူး ။
အိမ်ကိုပြန်မပို့ဘဲ ဒီလိုကြီး တစ်သက်လုံးသူ့ကိုနေသွားခိုင်းဖို့ စိတ်ကူးထားတာများလား။
YOU ARE READING
Peculiarly System [Completed ]
RomanceStart date ... September 17 .2021 End date .....July 30.2023 System ဆိုတာ စိတ်ကူးယဉ်ကမ္ဘာတဲ့ သူကပြောတယ် ငါ့အတွက်တော့ သူက ကြောက်စရာကောင်းတဲ့ Vicious System ပဲ Xiao Zhan ❌ IT'S NOT TRANSLATION . ❌
![Peculiarly System [Completed ]](https://img.wattpad.com/cover/261840982-64-k831082.jpg)