လိမ္မော်ပင်အနီးက ခုံတန်းလေးမှာ ထိုင်ပြီး တွေဝေနေသော စိုင်းခမ်းကို ကြည့်ကာ စဝ်ခွန်စိုင်း၏ မျက်နှာက အော်တိုမက်တစ် ရှုံ့တွရွဲ့မဲ့သွားသည်။
သောက်မြင်ကတ်စရာ ကောင်းလိုက်တာ ။
" စိုင်းခမ်း ''
" အော် ယောက်ဖတော်က ဘာပြောမလို့လဲ ''
ခွန်စိုင်း၏ မျက်နှာက ချက်ချင်းပင် ပုပ်သိုးမှောင်မဲသွားကာ သက်ပြင်းတစ်ချက်ချရင်း စိုင်းခမ်းကို ကြည့်နေမိသည်။
ဘယ်နှယ့် ငါ့ကိုယောက်ဖတော်လို့လာခေါ်နေတာလဲ။ အော်.. မေ့နေတာ... ဟုတ်သားပဲ သူ့အစ်မက ငါနဲ့ ထိမ်းမြားထားတာဟ။
စဝ်ခွန်စိုင်းက တစ်ယောက်တည်း မျက်မှောင်ကျုံ့လိုက် စုလိုက်နဲ့ ၃ကြိမ်၄ကြိမ် လောက်ပြုပြီး စကားပြန်စသည်။
" အစောအနားကို သိပ်မကပ်နဲ့...ကျုပ်သဘောမကျဘူး ''
" ကျုပ်ကသဘောကျတယ်လေ ''
ဒီဖေ..စိုင်းခမ်း စိုင်းခမ်း..သက်သက်မဲ့ ငါ့ကို သွေးတိုးစမ်းနေတာလား ။
" .......''
စဝ်ခွန်စိုင်း၏ ဖြစ်ပျက်နေပုံကိုကြည့်ပြီး စိုင်းခမ်းက မဲ့ပြုံးလေးကို ချိတ်ဆွဲလျက်...
" ယောက်ဖတော်က မသိသေးဘူးကိုး ... လတ်ကလေ ယောက်ဖတော်ကို မချစ်ဘူးဗျ ''
" ဘာ!!''
စဝ်ခွန်းစိုင်းက ရှမ်းရွှေတောင်တွေ ရှုးရှဲလက်ဖက်တွေဖြစ်သွားတာမို့ စိုင်းခမ်းက သဘောတကျ ဟက်ခနဲ ရွဲ့စောင်းကာ ရယ်ပြသည်။
" ဟုတ်တယ်... ယောက်ဖတော်ရဲ့ ၊ လတ်ကဘယ်သူ့ကိုချစ်နေတာလဲဆိုတာ ကျုပ်ပြောရမလား''
" ဘာလဲ မင်းကိုယ်တိုင်ပါလို့ ပြောမလို့မလား.. ''
" မဟုတ်ပါဘူး ''
" ဟမ် ဒါဆို ဘယ်သူလဲ ''
စဝ်ခွန်စိုင်းက ပို၍ မဲမှောင်လာသောမျက်နှာထားက သိချင်နေတဲ့ မေးခွန်းအား ခပ်လောလောကြားချင်ပုံပင်။
" ခင်ဗျားရဲ့ ညီ.. စဝ်ခွန်ချိုင်က လွဲပြီး ဘယ်သူရှိမလဲ ''
" ဘာ!!''
YOU ARE READING
Peculiarly System [Completed ]
RomanceStart date ... September 17 .2021 End date .....July 30.2023 System ဆိုတာ စိတ်ကူးယဉ်ကမ္ဘာတဲ့ သူကပြောတယ် ငါ့အတွက်တော့ သူက ကြောက်စရာကောင်းတဲ့ Vicious System ပဲ Xiao Zhan ❌ IT'S NOT TRANSLATION . ❌