ဘန်ရဲ့ ဆန္ဒက မသေချင်တာမို့ လုပ်ပေးဖို့က မခဲယဉ်းပေ။
ဘန်က ချစ်တဲ့သူနဲ့လက်ထပ်ပြီး မိသားစုအတူတူပျော်ပျော်နေသွားချင်တာဖြစ်သည်။" ဘန်..''
အန်ဒရူးက ခေါ်လာတာမို့ မှန်ရှေ့ရပ်နေရင်းမှ လှည့်ကြည့်လိုက်တော့ ငပေါကြီးလို ပြုံးနေတဲ့ အန်ဒရူးကို မြင်လိုက်ရသည်။
" ဘာလဲ ဒယ်ဒီ ''
" ဒီမှာလေ..ကိုယ် ဘန့်အတွက် မီးလင်းကျောက် ဖုချိန်းလေး လုပ်ထားတာ ''
အန်ဒရူးက ဘန့်ဆီကနေချီးကျူးခံရဖို့ အရောင်တလက်လက်ဖြစ်နေသည့် မျက်ဝန်းတွေနဲ့ ငေးကြည့်ပေမယ့် ဘန်က မျက်နှာလွှဲသည်။
မှန်ကိုအကြည့်ပြန်ပို့ပြီး ဆံကေသာကို တသသလုပ်နေသော ဘန့်ကို အန်ဒရူးက မျက်စောင်းထိုးကာ ကုတင်ပေါ်မှာ သွားထိုင်လိုက်သည်။
ဘန်က ငညစ်လေး။
သူ့ကို အရေးမလုပ်ဘဲ ခပ်တည်တည်နဲ့ မှန်ပဲကြည့်နေတယ်။
မှန်က သူ့ကို ထမင်းကျွေးနေတဲ့ ငါ့လောက်....
မဟုတ်ဘူး ငါ့ထက် ပိုအရေးပါနေတာလား။" အစ်ကိုကြီး... ဘန့်အတွက် ညစာ ''
ဘယ်လာရဲ့စကားသံကြောင့် အန်ဒရူးက တံခါးသွားဖွင့်လိုက်ပြီး ဘယ်လာ့ဆီက ညစာထမင်းဗန်းလေးကို ယူလိုက်သည်။
" ကျေးဇူး ''
ဘယ်လာက သူမရဲ့ ဖြူဖပ်ဖြူရော်ဖြစ်နေတဲ့မျက်နှာလေးနဲ့ နွမ်းလျစွာ ပြုံးလိုက်ပြီး အခန်းရှေ့ကနေ ပြန်လှည့်လာခဲ့သည်။
အစ်ကိုကြီးက ဘန့်အတွက် ကောက်ရိုးခြောက်မြက်ခြောက်တွေမကျွေးဘဲ ဘာလို့ သူမတို့လိုလူစားတဲ့အစားစာတွေ ကျွေးချင်ရတာလဲ။
ဘယ်လာက လူသားမိန်းကလေးဖြစ်တာမို့ သူမအတွက် သူမဘာသာ ချက်ပြုတ်စားနေတာဖြစ်သည်။
ရဲတိုက်က အလုပ်သမားတွေအားလုံးက ချက်ပြုတ်ပေးမှာကိုလည်း သူမက အားနာတာကြောင့် လက်မခံဘဲ ကိုယ်တိုင်ပဲချက်ပြုတ်သည်။ရဲတိုက်တစ်ခုလုံးမှာ လူသားဆိုလို့ သူမတစ်ယောက်တည်းသာရှိပြီး ကျန်သူတွေက သွေးစုတ်ဖုတ်ကောင်မျိုးနွယ်ဝင်တွေဖြစ်သည်။
YOU ARE READING
Peculiarly System [Completed ]
RomanceStart date ... September 17 .2021 End date .....July 30.2023 System ဆိုတာ စိတ်ကူးယဉ်ကမ္ဘာတဲ့ သူကပြောတယ် ငါ့အတွက်တော့ သူက ကြောက်စရာကောင်းတဲ့ Vicious System ပဲ Xiao Zhan ❌ IT'S NOT TRANSLATION . ❌