" ကျန့်ကျန့် ''
" ဟင်..''
ရှောင်းကျန့်က မျက်လုံးလေးကို ပွတ်ပြီး ထထိုင်လိုက်သည် ။
" အစ်ကိုသောင်.. ပြန်လာပြီလား..ဘယ်အချိန်လဲအခုက ''
" အင်း..မနက်ရောက်နေပြီ.. ကျန့်ကျန့် အိပ်ပျော်နေတာကို အစ်ကိုနိူးလိုက်တာကမုန့်ကျွေးချင်လို့..ရော့..အစ်ကိုကျန့်ကျန့်အတွက် ပျားရည်အချိုမုန့်ဝယ်လာတာ စားလိုက်.. ''
" ကျေးဇူးပါ အစ်ကိုသောင် ''
ရှောင်းကျန့်က ပျားရည်မုန့်ချိုကို တစ်ကိုက်လောက်မြည်းစမ်းကြည့်ပြီး သောင်ချူယွဲ့ကို ပြုံးပြလိုက်သည်။
ဒီမုန့်ကို အရမ်းချိုပြီး အီစိမ့်နေမည်ဟု ရှောင်းကျန့်ထင်ထားခဲ့ပေမယ့် တကယ်တော့ အရသာလေးက နူးညံ့အိစက်ပြီး ချိုတယ်လို့ပြောရုံသာပင်။
" ကောင်းလိုက်တာ ''
" အင်း.. အစ်ကိုတို့ ခရီးထပ်ဆက်ရမယ် ကျန့်ကျန့်ဆက်အိပ်ချင်အိပ်လေ ''
" အင်း..''
ရှောင်းကျန့်က စက္ကူထုပ်လေးထဲက ပျားရည်မုန့်ချိုလေးတွေဆီသာ အာရုံထားပြီး ပြီးသလွယ် ဖြေလိုက်သည် ။ သောင်ချူယွဲ့က ရှောင်းကျန့်ရဲ့ ခေါင်းလေးကို ချစ်စနိုးနဲ့ ပုတ်ပေးကာ လှည်းထဲကနေထွက်သွားတော့သည်။
ထို့နောက် အပြင်ဘက်မှ အဖွဲ့သားများအား ပြောကြားနေသော ဇာတ်လိုက်မ၏ အသံကိုကြားလိုက်ရသည်။
" ငါတို့ အခုပဲ ချန်အန်းမြို့ကနေထွက်မယ် အစ်ကိုကြီးက ငါတို့ကို လော့ရန်ကိုလိုက်လာခဲ့ဖို့မှာထားခဲ့တယ်.. ''
ဟွမ်ကျောင်းကျောင်းသည် စကားကို တိတိပြတ်ပြတ်သေချာပြောကာ မြင်းပေါ်ကိုခုန်တက်လိုက်ပြီး ရှေ့ကနေစထွက်သည်။
သောင်ချူယွဲ့က ဝမ်ရိပေါ်ကို ရှောင်းကျန့်နဲ့အတူ လှည်းတစ်စီးပေါ်မှာ အတူစီးရစေဖို့ ကူညီပေးလိုက်သည်။
ရိက္ခာလှည်းကတော့ သရဲကြီးနဲ့ ပါးစပ်ပြဲကို ဦးဆောင်မောင်းနှင်ဖို့ တာဝန်ပေးလိုက်သည်။
YOU ARE READING
Peculiarly System [Completed ]
RomanceStart date ... September 17 .2021 End date .....July 30.2023 System ဆိုတာ စိတ်ကူးယဉ်ကမ္ဘာတဲ့ သူကပြောတယ် ငါ့အတွက်တော့ သူက ကြောက်စရာကောင်းတဲ့ Vicious System ပဲ Xiao Zhan ❌ IT'S NOT TRANSLATION . ❌