" လော်ရာ ခုန်ချမယ်နော် တိုင်ပင်ခေါ်မယ် ...၁..၂..၃..''" ဝုန်း! !! ဗွမ်း ''
ကျောက်ဆောင်ပေါ်ကနေ သမုဒ္ဒရာထဲ ခုန်ချလိုက်ပြီးနောက် လက်တွေတွဲထားရင်း ရေငုပ်ကာ အတွင်းပိုင်းချောက်နက်အထိ ကူးခတ်သွားတဲ့ လော်ရာနဲ့ဟူဂို။
အချိန်တစ်ခုကြာတဲ့အထိ ဘာကိုမှ မမြင်ရတာကြောင့်ရော အောက်စီဂျင်ပြတ်လပ်လာတာကြောင့်ပါ နှစ်ယောက်သား သမုဒ္ဒရာ ကြမ်းပြင်မှ ပြန်လည်ပြီး ရေမျက်နှာပြင်ပေါ်ကို ကူးခတ်လာခဲ့သည်။
" ဟူး..မောလိုက်တာ ''
" အေးဟ..ငါတို့ အခုထိ ရေအောက်နန်းတော်ဆိုတာကြီးကို မမြင်ရသေးဘူး ထပ်ငုပ်မယ် မတွေ့မချင်း ရှာကြမယ် ''
ဟူဂိုက လက်မလျှော့စွာပြောလာတာမို့ လော်ရာက ရေဒဏ်ကြောင့်နီရဲနေတဲ့သူမမျက်လုံးတွေကို အသာဖိနိုပ်လိုက်တယ်။
" ကဲ..ဒါဆို ထပ်ငုပ်ကြမယ်..ဟဲ့..ငါ့တို့အခုဘယ်နားမှာလဲမသိဘူးနော် ''
လော်ရာက ရေမငုပ်ခင်ပတ်ဝန်းကျင်ကိုပါတစ်ဆက်တည်း အကဲခတ်ရင်း ပြောလာတာဖြစ်လို့ ဟူဂိုကမျက်စိနဲ့လှည့်ပတ်ကြည့်လိုက်သည်။
" အင်း ဘယ်နေရာပဲဖြစ်ဖြစ် ငါတို့ အကွာကိုရှာတွေ့ဖို့ထက်တော့အရေးမကြီးဘူး ငါ့လက်ကိုမလွှတ်နဲ့နော် လော်ရာ ၁.၂.၃''
တစ်ဖန်ငုပ်လိုက်ကြပြန်သည့် သူတို့နှစ်ဦးက ရေအောက်ကြမ်းပြင်ကိုရောက်သည်နှင့် မျက်စိတွေကို မနည်းဖွင့်ကြည့်နေရသည်။ ဘေးမှာ လျှောက်ပတ်သွားလာနေသော ငါးနီတူတွေ ကို မြင်လိုက်ရတဲ့လော်ရာက ဟူဂိုကို ဆွဲဆိတ်လိုက်ပြီး ပြလိုက်သည့် အခါ ထိုငါးတွေနောက်ကိုလိုက်ဖို့ ဟူဂိုက ဆုံးဖြတ်ချက် ချသည်။
......................
" မာလေက မင်းကို ခန့်မှန်းမိတယ် ဟုတ်လား Kitty ''
" အင်း ..မာလေမဟုတ်ဘူး သူရဲ့ မှော်ဖန်လုံးကြီး.. ''
ယခုအချိန်မှာ အကွာက ကျောက်ဖျာပေါ်မှာ လဲလျောင်းနေတာဖြစ်ပြီး ဘေးနားက Kitty တစ်ကောင်ကတော့ လက်ကားယားခြေကားယားနဲ့ ဖြစ်ကြောင်းကုန်စင် ရှင်းပြနေတာဖြစ်သည်။
YOU ARE READING
Peculiarly System [Completed ]
RomanceStart date ... September 17 .2021 End date .....July 30.2023 System ဆိုတာ စိတ်ကူးယဉ်ကမ္ဘာတဲ့ သူကပြောတယ် ငါ့အတွက်တော့ သူက ကြောက်စရာကောင်းတဲ့ Vicious System ပဲ Xiao Zhan ❌ IT'S NOT TRANSLATION . ❌