တိတ်စမ်း ကီကိုက ငါ့အတွက်ပါဆို..။
ရှီဇုခုက ဘယ်ဘတ်ရင်အုံကို ခပ်ဖွဖွရိုက်ကာ စိတ်ထဲကနေ ပြောလိုက်သည် ။
" ကီကို ဒီကလူကြီးက မင်းကို ချစ်လွန်းလို့ ဘယ်လိုလုပ်ရပါ့မလဲ ''
" ဂျွမ်းထိုးနေလိုက်လေ ''
ရုတ်တရက် ထွက်ပေါ်လာတဲ့ စကားသံက စိတ်ကူးယဉ်ဖို့ အစပျိုးနေသော လူပျိုကြီးရှီဇုခုကို လန့်သွားစေသည့်အပြင် အတွေးတွေပါ လွင့်သွားစေသည်။
" အမလေး..ကုလားမ..''
" ဘာ..ကုလားမလဲ..''
" မဟုတ်ဘူး ကုလား...''
"..ဘာကွ! !''
" မှားလို့ မှားလို့ ဖေဖေက ဘာလာလုပ်ပြန်တာလဲ အလုပ်ပြီးရင် ကျွန်တော် လာပြောမယ်လို့ ပြောထားတယ်လေ ''
မစ္စတာအီရိက ရှီဇုခုကို စိတ်ပျက်သလိုကြည့်ကာ မနိုင်ဘူးဆိုတဲ့သဘောနဲ့ ခေါင်းခါသည်။
" မင်းအလုပ်လုပ်နေတာက ဒါလား တော်တော်ဈာန်ဝင်နေတာပဲနော် ''
" အဟမ်း လုပ်တော့မှာပါ ဖေဖေကလည်း ..ဘာကိစ္စရှိလို့ ပြန်လာတာလဲ ''
" အင်း သတိလာပေးတာ လာမယ့် ရက်သတ္တပတ်မှာ မင်းကို နေရာလွှဲပေးမယ်လို့ ငါပြောထားတာလေ အဲ့ဒါ ဒီနေ့ အလုပ်တွေပြီးအောင်လုပ် မနက်ဖြန်ကစပြီး ကျင့်ဝတ်တွေသင်ယူရမယ် ''
" ဖေဖေ ''
အသက်၃၄နှစ် အရွယ် လူပျိုသိုးကြီးက အခု သူ့ကို့ချွဲနေတာလား ။ အားယိုး ဘယ်လိုတောင် လင်စိတ်သားစိတ်ကုန်ချင်စရာကြီးလဲ ။ ရုပ်ခံလေးရှိလို့သာတော်သေးရဲ့ ၊ ဒါတောင် သွားလေသူ သူ့အမေနဲ့ ငါ့ရဲ့ ရုပ်ရည်လေးအမွေရထားလို့ ၊ မဟုတ်ရင် လူကြမ်းရုပ်နဲ့လမ်းဘေးက အမှိုက်ပုံးထဲ ခေါင်းစိုက်ပြီး အစာရှာစားတဲ့အရူးနဲ့ နင်လား ငါလား ဖြစ်နေတော့မှာ ။
မစ္စတာအီရိက တွေးနေရင်း တစ်ခါတည်း မျက်စိထဲတွင် ပုံဖော်ကြည့်ပြီး ဟက်ခနဲ ရယ်လိုက်မိကာ ကိုယ့်ကိုယ်ကို ပြန်ထိန်းလိုက်သည်။
သားဖြစ်သူ ကျပ်မပြည့်တဲ့ Alpha က သူ့အား အထူးတဆန်း ကြည့်နေပြန်တာမို့ မျက်နှာပိုးပြန်သတ်ရသည်။
YOU ARE READING
Peculiarly System [Completed ]
RomanceStart date ... September 17 .2021 End date .....July 30.2023 System ဆိုတာ စိတ်ကူးယဉ်ကမ္ဘာတဲ့ သူကပြောတယ် ငါ့အတွက်တော့ သူက ကြောက်စရာကောင်းတဲ့ Vicious System ပဲ Xiao Zhan ❌ IT'S NOT TRANSLATION . ❌