Peculiarly System [Completed ]

Arc(13.7)

ဂျိုလိုဒေးဗစ်ရဲ့ စံအိမ်က သိပ်ကိုခမ်းနားသောပါပဲ။

မြို့တော်ဝန်အိမ်ရဲ့အပြင်အဆင်နီးပါးထိ တန်ဖိုးမြင့်ပစ္စည်းတွေကိုသုံးထားတာကြောင့် နန်းတော်ဆောင်တစ်ခုလိုမျိုး ကြီးကျယ်နေပါတယ်။

" မစ္စတာ နဲ့ မစ္စ တို့ ကြွပါ ''

ညစာစားပွဲရဲ့ ပုံစံကို အရမ်းလူရှုပ်နေမယ်လို့ထင်ခဲ့မိသော မြို့တော်ဝန်ဂါဘရီရယ်လ်ရဲ့ အတွေးက တက်တက်စင်အောင် လွဲမှားနေသည်။

တစ်အိမ်လုံးမှာ တိတ်ဆိတ်ငြိမ်သက်လျက်ရှိပြီး ဂန္တဝင်ဆန်ဆန်တေးသီချင်းက ငြိမ့်ညောင်းသာယာစွာ ခပ်တိုးတိုး ပျံ့လွင့်နေရုံ။

" ရောက်လာကြပြီလား ၊ ထိုင်ပါအုန်းဗျာ ''

လောကွတ်ပြုလာသူကား အသက်အရွယ်အားဖြင့် မစ္စတာဂါဘရီရယ်လ်ထက် ၁၁ နှစ်လောက်တော့ ငယ်လိမ့်မည်။

" ကျွန်တော်က ဂျိုလိုဒေးဗစ်ပါ ''

" အင်း တွေ့ရတာဝမ်းသာပါတယ် ''

" ဟုတ်ကဲ့.. ထမင်းစားပွဲပြင်ဆင်လိုက်တော့''

ဂျိုလိုက ယောက္ခမလောင်းကိုပြန်ဖြေပေးပြီး အနောက်က အိမ်ထိန်းကြီး ကို ခိုင်းစေလိုက်သည်။

မကြာမီအချိန်မှာပဲ ထမင်းစားဖို့အဆင်သင့်ဖြစ်နေကြောင်းကို အိမ်ထိန်းကြီးက လာရောက်ပြောကြားလာသည်မို့ ထမင်းစားခန်းဆီ ထလာခဲ့ကြသည်။

ကောင်းမွန်စွာ ဧည့်ဝတ်ပြုပြီး မျက်နှာရွှင်ပျနေသော ဂျိုလိုက အလုပ်ကိစ္စနဲ့ ပတ်သတ်ပြီး အခုထိ ဘာမှ မပြောကြားသေးပေ။

ထမင်းစားပြီးလို့ အချိုပွဲတွေတောင် မျက်စိရှေ့မှာ ရောက်ရှိနေပြီ။

" မစ္စတာဒေးဗစ်က အကျိုးတူပူးပေါင်းမယ့်ကိစ္စကို ဘယ်လိုများစီစဉ်ထားတာလဲ ''

" အဲ့ဒါက မစ္စတာတို့ကြိုက်သလိုစီမံပါ ၊ ကျွန်တော်က မစွက်ဖက်ပါဘူး၊ အခုလိုညစာစားဖို့ တကူးတကဖိတ်ကြားတာက အခြားကိစ္စကြောင့်ပါ''

" ....''

" ကျွန်တော်က ခရစ်စတန်လေးကို မေတ္တာရှိတာမို့မစ္စတာတို့ဘက်က ဘယ်လိုသဘောရသလဲ ''