ဧည့်သည်ဆောင်မှာ ထိုင်နေကြသော ဂုဏ်သရေရှိ လူကြီးလူကောင်းတွေကြားမှာ ရှောင်းကျန့်လေး ပျော်မနေပါ။
လူရှေ့မရှောင် သူရှေ့မရှောင်ပြုံးပြုံးကြီးကြည့်နေတဲ့ စဝ်ခွန်စိုင်းကတစ်မျိုး၊ မီးဝင်းဝင်းတောက်မျက်လုံးနဲ့ အမဲဖြတ်တော့မလိုကြည့်နေသော စဝ်ခွန်ချိုင်က တစ်မျိုး ၊ အကဲခတ်သလိုကြည့်ကာ မျက်လုံးသေနဲ့ ငြိမ်နေသော စိုင်းခမ်းက တစ်မျိုး..အင်း ..ပေါင်းလိုက်တော့ ၃မျိုးပေါ့။
" စောမင်းလတ် ''
" ဟုတ်ကဲ့ မယ်မယ်ကြီး ''
အနေခက်စွာ အလုပ်လုပ်နေရင်းမှ မယ်မယ်ကြီးကို ရှောင်းကျန့်က ပြန်ထူးလိုက်သည်။ မယ်မယ်ကြီး နံဘေးမှာ ထိုင်နေတဲ့ နန်းခမ်းကလျာကတော့ တစ်ခုခု ကပ်ပြောနေပုံပင်။
မယ်မယ်ကြီးကလည်း နန်းခမ်းကလျာနဲ့ စကားပြောပြီးမှ စောမင်းလတ်ဘက် လှည့်လာသည်။
" မင်း..အိမ်နောက်ဖေးမှာ လုပ်စရာရှိသေးတယ် မလား ''
" ဟုတ်ကဲ့... အခုသွားလုပ်.. ''
အပျော်လွန်သွားသော ရှောင်းကျန့်လေးက ထ.က လုမတတ်ပြုံးရွှင်စွာဖြေလိုက်ပေမယ့် စကားတို့သည်ကား အဆုံးမသတ်လိုက်ရပေ။
" နေပါ..နေပါ.. ငလှိုင်ကို ခိုင်းလိုက်မယ်..သခင်လေး စိုင်းခမ်းကို မင်းက အဖော်လုပ်ပေးလိုက်ပါ''
မယ်မယ်ကြီးက အလွန်ပင် စိုင်းခမ်းကို ပ,စားပေးနေတာမို့ ရှောင်းကျန့်လေး ခိုးပြုံးလိုက်သည်။
စိုင်းခမ်းက အာဏာအရမ်းကြီးပုံပင်။" ဟုတ်ကဲ့.. မယ်မယ်ကြီး ''
စိုင်းခမ်းရဲ့ ပါးစပ်ကတစ်ဖက်ရွဲ့သွားတာကို နန်းခမ်းကလျာမြင်တော့ ပြုံးလိုက်မိ၏။
ငါ့မောင်လေးပြုံးတာကလည်း မသိရင် မဒိမ်းကျင့်တော့မယ့်လူယုတ်မာအတိုင်းပဲ။
" သခင်လေးစိုင်းခမ်း... ကျွန်တော်နဲ့အတူ လျှောက်ပြီး ကြည့်ချင်လား ''
စိုင်းခမ်းက ခပ်တည်တည်နဲ့ ထ.ရပ်ကာ စောမင်းလတ်နဲ့အတူ ထွက်လာခဲ့သည်။
YOU ARE READING
Peculiarly System [Completed ]
RomanceStart date ... September 17 .2021 End date .....July 30.2023 System ဆိုတာ စိတ်ကူးယဉ်ကမ္ဘာတဲ့ သူကပြောတယ် ငါ့အတွက်တော့ သူက ကြောက်စရာကောင်းတဲ့ Vicious System ပဲ Xiao Zhan ❌ IT'S NOT TRANSLATION . ❌