" အစ်ကို..ဒီညကစပြီး ရိုစ့်လည်း ခရစ်စတန်နဲ့အတူလိုက်နေတော့မလို့တွေးထားတယ် အဖေတို့အမေတို့ကို ရို့စ်မပြောပြတော့ဘူး ''
အမန်တီက ညီမဖြစ်သူဆီက ကြားလိုက်ရတဲ့ စကားကြောင့် ခရစ်စတန်ကို ကြည့်လာခဲ့သည်။
ဘယ်လိုပါလိမ့် ။
ခေတ်ကာလသားသမီးတွေများတယ်လည်းခက်ပါလားနော်။" ဒီလိုလုပ်လို့ဘယ်ဖြစ်မလဲ ရို့စ်စလင်း ၊ နင်တို့တွေက လက်မထပ်ရသေးဘူးလေ ''
အမန်တီဆီဘာရန်က ကွန်ပလိန်းတက်ပေမယ့် ရို့စလင်းက ခပ်တည်တည်ပင်။ ဒါတွေပြောလာမယ်ဆိုတာ အစကတည်းက ကြိုတွက်ထားပြီးသားလည်းဖြစ်တာကြောင့် ထူးပြီးဖြေရှင်းမပြချင်ပေ။
" ခရစ်စတန် ဝင်ပြောလေ ဘာလို့အသေကောင်လိုငြိမ်နေတာလဲ ''
တစ်ချိန်လုံး ငြိမ်သက်နေသော ခရစ်စတန်က အနည်းငယ်နင်သွားရသည်။
ဘာတဲ့? အသေကောင်? ဟုတ်လား?
Kitty ကတော့ လူဖြစ်တာနဲ့ ငါ့ကို အနိုင်ကျင့်နေပြီပဲ။
ဒါနဲ့ ငါကဘာကိုဝင်ပြောရမှာလဲ။
ငါက သူ့ကိုအားကိုးနေရတဲ့လူ တနည်းပြောရရင် ငါက System ဆိုတဲ့ သောက်ကြောတင်းကြီးရဲ့ ခိုင်းဖက် ခိုင်းနွားလေးပါလို့ ။" အဟိ ''
ရှောင်းကျန့်ရဲ့ အတွေးတွေကို ကြားပြီးနောက် Kitty တစ်ဖြစ်လဲ ရို့စလင်းက ဟန်မဆောင်နိုင်ဘဲ ရယ်သံပိစိလေး ထွက်လာခဲ့သည်။ ထို့နောက် မျက်နှာပိုးပြန်သတ်ကာ စကားဆက်ဦးဆောင်ဖို့ ချောင်းတစ်ချက်ဟန့်လိုက်သည်။
" အဟမ်း ခရစ်စတန်က အစ်ကို့ကိုကြောက်နေတာထင်တယ် ၊ အစ်ကို ခရစ်စတန်က လူကောင်းပါ ရို့စ်အတွက်လည်း အစ်ကိုစိတ်မပူပါနဲ့ ''
ငါက စိတ်မပူပါဘူး .. ဒေါ်ရို့စ်စလင်းဆီဘာရန်ရယ်။ ငါက မစ္စတာဂျိုလိုဒေးဗစ်ကိုကြောက်လွန်းလို့ပါ။
ဘာတဲ့..ခရစ်စတန်က လူကောင်းပါ ဟုတ်လား.. ငါကမသိရှာဘူး ၊ ငါက အကန်းကြီးဆိုတော့မသိရှာဘူးရယ်.. အေးအေး ကျေးဇူးပဲနော် သိလား။" မြို့တော်ဝန်ရဲ့သားငယ်လေးမလား ၊ အစ်ကိုက မင်းရဲ့အကြောင်းတွေကို သိသင့်သလောက်သိထားပြီးသားပါ ၊ ညီမလေးရို့စလင်းပြောသလို မင်းက လူကောင်းဆိုတာတော့ အစ်ကိုမကြားမိဘူး ''
YOU ARE READING
Peculiarly System [Completed ]
RomanceStart date ... September 17 .2021 End date .....July 30.2023 System ဆိုတာ စိတ်ကူးယဉ်ကမ္ဘာတဲ့ သူကပြောတယ် ငါ့အတွက်တော့ သူက ကြောက်စရာကောင်းတဲ့ Vicious System ပဲ Xiao Zhan ❌ IT'S NOT TRANSLATION . ❌