Peculiarly System [Completed ]

Arc(13.12)End

ခရစ်စတန်နဲ့ဂျိုလိုဒေးဗစ်ကို မဖြစ်မနေ မင်္ဂလာပွဲ စီစဉ်ရတော့မယ့်အခြေအနေရောက်လာပြီမို့ မြို့တော်ဝန်က ခေါင်းခြောက်နေရသည်။

သားနုနုထွတ်ထွတ်လေးက အဖေအရွယ်ရှိတဲ့ လူတစ်ယောက်နဲ့ လက်ထပ်မတဲ့။

စဉ်းစားကြည့်ပါ ။
မင်းတို့စဉ်းစားကြည့်လေ ။

" ကျွန်မတို့က သားလေးအတွက်တွေးပေးရမယ်လေ ၊ ရှင်ဘာမှ စိတ်ပူမနေပါနဲ့တော့ ''

" အင်း ကိုယ်သိပြီ ''

မစ္စတာဂါဘရီရယ်တို့ဇနီးမောင်နှံက ကိုယ်စီသက်ပြင်းချလျက် မျက်နှာချင်းဆိုင်ကခုံမှာ ထိုင်နေသော လူသားနှစ်ယောက်ကို ကြည့်လိုက်သည်။

" ဒယ်ဒီ ၊ မာမီ ''

ခရစ်စတန်လေးရဲ့ချွဲနွဲ့နွဲ့ခေါ်သံလေးမှာ သူတို့မိဘနှစ်ယောက်သားမှာ အရည်ပျော်ရစမြဲ။

" တောင်းပန်ပါတယ် ၊ သားက သူကလွဲရင် ဘယ်သူ့ကိုမှ မချစ်နိုင်တော့လို့ပါ ''

" ခရစ်စတန် ၊ မင်း သူ့ကို အဲ့ဒီလောက်တောင် ချစ်သလား''

" ဟုတ် ''

" ကောင်းပြီ ၊ မင်္ဂလာပွဲအတွက် တိုင်ပင်ကြတာပေါ့ ဂျိုလိုဒေးဗစ် ''

ခရစ်စတန်က မျက်နှာလေးမြူးထူးသွားသလို ဂျိုလိုကလည်း ဝမ်းသာအားရ ဖြစ်သွားလေသည်။

ဒီလူသားက သူ့ရဲ့ တရားဝင်အပိုင်လေးဖြစ်လာတော့မယ်တဲ့။

" သခင်ကြီး မာလီကာဆေးရုံက ဖုန်းဆက်လာပါတယ် ၊ မမလေးဇိုဝီ အက်ဆီးဒန့် ဖြစ်လို့ ဆေးရုံရောက်နေပါတယ် တဲ့ ''

အိမ်ထိန်းကြီးရဲ့ တုန်လှုပ်ခြောက်ခြားစွာပြောဆိုလာသော စကားကြောင့် ဂါဘရီရယ် မိသားစုဝင်သုံးဦးနဲ့သားမက်တို့မှာ ချက်ချင်းထရပ်လိုက်မိကြသည်။

မာလီကာ ဆေးရုံဆီသို့ လေးယောက်သားအတူထွက်လာခဲ့ကြသည်။

" ဂျိုလို.. ကျွန်တော့်အစ်မ ဘာမှ မဖြစ်လောက်ပါဘူးနော် ၊ မနက်ကတောင် သူမအလုပ်သွားခါနီးမှာ ဖုန်းဆက်ပြီး စကားတွေပြောနေကြသေးတာလေ ''