အိမ်ရှေ့ကို ထိုးရပ်လာသည့် ကားဖြူလေးထဲမှ ထွက်လာသော ဇိုဝီက အိမ်တော်အတွင်းထဲကို ဒရောသောပါး ဝင်ရောက်လာခဲ့သည်။
ဧည့်ခန်းထဲက ဆိုဖာမှာ ထိုင်နေသော မာမီရဲ့နံဘေး၌ ကပ်ချွဲနေတဲ့ အဆိုးလေးကြောင့် ယခုမှ သူမက သက်ပြင်းချနိုင်တော့သည်။
သူမမှာ မနီလာတစ်မြို့လုံး ဒီမောင်လေးနဲ့ပတ်သတ်တဲ့အကြောင်းတွေလိုက်စုံစမ်းနေခဲ့ရတာ။
ဆီဘူးနဲ့ ပနေးမြို့တွေအထိ ရဲမှုးတွေကို အလုပ်ပေးမိသည်အထိ။
" ခရစ်စတန်.. မောင်လေး ''
" မမ ''
ဟီးခနဲရယ်ပြလာသည့် မောင်လေးကို ပြေးဖက်လိုက်ပြီး မောင်လေး၏ တစ်ကိုယ်လုံးကို သေချာစစ်ဆေးကြည့်လိုက်သည်။
ဘာမှ မဖြစ်တာသေချာတော့မှ ခရစ်စတန်၏ နဖူးကို လက်ဆစ်လေးနဲ့ ခေါက်ချလိုက်သည်။
" အာ့..နာတယ် မမရဲ့ ''
" ဟွန့် မမဘယ်လောက်စိတ်ပူနေသလဲသိရဲ့လား''
" ....''
ဘာမှ ပြန်မပြောတော့ဘဲ တဟဲဟဲ နဲ့ ရယ်ကျဲကျဲဖြင့် ရင်ခွင်ထဲ တိုးဝင်လာသည့်မောင်လေးကို သူမက ပြန်လည်ဖက်တွယ်ထားလိုက်သည်။
" ဒယ်ဒီနဲ့တွေ့ပြီးပြီလား ''
" ဟင့်အင်း ၊ ပြန်ရောက်မှ တွေ့ကြမယ်တဲ့ ၊ ဒီနေ့ အစည်းအဝေးတစ်ခုလုပ်ရမှာမို့တဲ့ ''
" အော် ''
" ကဲ ..မမက ဒီနေ့ပိတ်ရက်ဆိုတော့ မောင်လေးကို အပြင်လိုက်ပို့ပေး ''
" နင် အပြင်ကပြန်လာတာ ဘယ်နှစ်နာရီ ရှိပြီလဲ''
ဒီစကားသံသည်ကား မစ္စဂါဘရီရယ်လ်က ပြောလာခြင်းဖြစ်ပြီး သားဖြစ်သူကို မျက်စောင်းတစ်ချက် အဆစ်ထိုးလိုက်သေးသည်။
" မာမီကလည်း ''
" သွား.. ဒီတစ်ခါတော့ မာမီအလိုမလိုက်ဘူး ၊ သမီး ဇို အလုပ်တွေမပြီးပြတ်သေးဘူးမလား သွားဆက်လုပ်ချေ ၊ သားခရစ်စတန်လည်းရေချိုးတော့ ''
" ဟွန့် ''
နှာမှုတ်လို့ ထွက်သွားသော ခရစ်စတန်ကို ဇိုဝီနဲ့ မစ္စဂါဘရီရယ်လ်ကတိတ်တိတ်လေးခိုးရယ်လိုက်သည်။
YOU ARE READING
Peculiarly System [Completed ]
RomanceStart date ... September 17 .2021 End date .....July 30.2023 System ဆိုတာ စိတ်ကူးယဉ်ကမ္ဘာတဲ့ သူကပြောတယ် ငါ့အတွက်တော့ သူက ကြောက်စရာကောင်းတဲ့ Vicious System ပဲ Xiao Zhan ❌ IT'S NOT TRANSLATION . ❌