ရှန်ယွဲ့၏ပင်မခန္ဓာကိုယ်သည် သေဆုံးသွားပြီဖြစ်သော်လည်း မမျှော်လင့်ဘဲ သည်ခန္ဓာကိုယ်ထဲတွင် ပြန်မွေးဖွားလာခဲ့သည်။ သူမသည် လုပ်ကြံသူတစ်ယောက်ဖြစ်စဥ်က ရရှိခဲ့သည့် အချိတ်အဆက်နှင့် အရင်းအနှီးများကို ကောင်းကောင်း အသုံးပြုနိုင်သေးသည်။
သို့သော် သူမသည် သတိထားရပေမည်။ နောက်ဆုံး လက်ရှိ၌ သူမသည် တစ်ဦိးတည်းသာဖြစ်ပြီး ကိုယ့်ကိုယ်ကို ကာကွယ်နိုင်စွမ်းမရှိချေ။ သူမ ပြန်မွေးဖွားလာကြောင်း အဖွဲ့အစည်းကသာ သိသွားလျှင်...
ရှန်ယွဲ့သည် တစ်စုံတစ်ခုကို စဥ်းစားနေဆဲတွင် စာရွက်ကိုလုံးချေထားသည့်အလုံးတစ်ခုသည် သူကို ရုတ်တရက် လာထိသွားသည်။ ရှန်ယွဲ့သည် မျက်မှောင်ကျုံ့ကာ လှည့်ကြည့်လိုက်လေသည်။ သူမနှင့် သိပ်မဝေးလှသည့် နေရာတွင် ထိုင်နေကြသည့် အတန်းဖော်ကျောင်းသားအုပ်စုတစ်ခုသည် မုန်တီးသည့်အကြည့်ဖြင့် သူမကို ကြည့်နေလေသည်။
" ဟေ့ ရှန်ယွဲ့ နင် ဒီနေ့ အတန်းမတက်ခင်တုန်းက တန်းခွဲ ၃ က ကျောက်ရွေ့ကို ရိုက်တော့မလို့ဆို၊ ယွီဟောက်ကိုတောင် ဆဲဆိုလိုက်သေးတယ်တဲ့ ဟုတ်လား"
နားထင်တွင် အစင်းပုံစံဆံပင်နှင့် ကောင်လေးတစ်ယောက်က စဥ်းလဲသည့်မျက်လုံးများဖြင့် သူမကို ပြောလာလေသည်။
" ဟုတ်လို့လားကွာ၊ ဒီဝက်မက တီကောင်တစ်ကောင် မြင်တာတောင် ထအော်တဲ့သူမလား၊ သူ့မှာ အဲလောက် သတ္တိမရှိပါဘူး"
တစ်ချိန်က တီကောင်ကိုယူလာပြီး မူလပိုင်ရှင်ကို ခြောက်လန့်ရန် သူမ၏စားပွဲထဲထည့်ခဲ့ဖူးသည့် ကောင်လေးတစ်ယောက်က ပြောလိုက်လေသည်။
" ဧကန္တ အဲဒီဝက်မက အဆင့်တက်သွားပြီး အစွမ်းရှိတဲ့ စူပါဝက်မ ဖြစ်လာလို့လား"
ရှန်ယွဲ့ပြန်မပြောရခင်မှာပင် နောက်တစ်ယောက်က ဆက်ပြောလိုက်လေသည်။
ထို့နောက် ကောင်လေးတစ်သိုက်သည် သည်ကို့ယို့ကားယားနိုင်သည့် ရယ်စရာမကောင်းသော ဟာသကို အော်ရယ်နေကြလေသည်။ ခွေးများကပင် သည်ငတုံးဆယ်ကျော်သက်များကို ရွံ့ရှာပေလိမ့်မည်။ ရှန်ယွဲ့ သူတို့ကို ကြည့်ပင် မကြည့်ချေ။ သူမလုပ်ရမည့်အရာတွင်သာ အာရုံစိုက်နေလိုက်သည်။
YOU ARE READING
အထူးလုပ်ကြံရေးသမတစ်ယောက်ရဲ့ စာမျက်နှာသစ်
Romanceလုပ်ကြံသူအဖွဲ့တစ်ခုရဲ့ ပျိုးထောင်ခံလာရပြီး ၁၃နှစ်တာလေ့ကျင့်လာပြီးနောက်ပိုင်း ရှန်ယွဲ့ဟာ အသက် ၁၇နှစ်အရွယ်မှာတော့ အကောင်းဆုံးလုပ်ကြံရေးသမား ဂုဏ်ပုဒ်ကိုရခဲ့ပြီးတော့ လုပ်ကြံရေးသမားတွေကြားမှာ ပြိုင်ဘက်ကင်း legendတစ်ယောက်ဖြစ်လာခဲ့တယ်။ legendတစ်ယောက်ဖြစ်လာ...