အပိုင်း (၁၃၈) နှုတ်ဆက်ညစာစားပွဲ
အပြန်လမ်းတွင် ရှန်အန်းသည် သူ့ရင်ထဲက ပျော်ရွှင်မှုကို ဆက်ပြီး မထိန်းချုပ်နိုင်တော့ပေ။ သူက ကလေးနှစ်ယောက်၏လက်ကို တွဲထားလိုက်လေသည်။ သူတို့သည် ကြက်ကင်ဆိုင်ကို ဖြတ်လာခဲ့ကြသည်။ သူသည် တံခါးကို မကျော်ခင်မှာပင် အော်ပြောလိုက်လေသည်။
" သူဌေး ကျွန်တော့်ကို ကြက်ကင်တစ်ကောင်ပေးပါအုံး၊ ကျွန်တော့်ကလေးက ဒီနေ့ ကောလိပ်ဝင်ခွင့်စာမေးပွဲ ဖြစ်ပြီးတာမလို့ ဂုဏ်ပေးချင်လို့ပါ"
ထိုစကားကို ကြာလိုက်သည်တွင် ရှန်ချန်က ရှန်အန်း၏အင်္ကျီလက်ကို မြန်မြန်ဆွဲကာ မေးလိုက်လေသည်။
"အဖေ ပိုက်ဆံတွေအကုန်လုံး လုခံလိုက်ရပြီမလား၊ အဖေ့မှာ ကြက်ကင်ဝယ်ဖို့ ပိုက်ဆံဘယ်လိုလုပ် ကျန်တော့မှာလဲ"ရှန်အန်းက ပဟေဠိဆန်ဆန် ပြုံးလိုက်ပြီး ရှန်ယွဲ့နှင့်ရှန်ချန်နားကပ်ကာ လေသံဖြင့်ပြောလိုက်လေသည်။
" မစိုးရိမ်ပါနဲ့၊ အဖေ့မှာ ကိုယ်ပိုင်စုထားတဲ့ ငွေတွေရှိပါသေးတယ်"
ရယ်မောသံကြားတွင် ရှန်ယွဲ့သည် အိမ်၏ခံစားမှုတစ်ခုကို ရေးရေးလေး ခံစားလိုက်ရတော့သည်။ သို့နှင့် သုံးယောက်သား အိမ်သို့ ဖြည်းဖြည်းချင်း လမ်းလျှောက်ပြန်လာကြလေသည်။ သူတို့ဝင်လာသည်နှင့် တပြိုင်နက် ဆွန်းလင်က ရှန်အန်း၏လက်ထဲက ကြက်ကင်ကိုမြင်လိုက်ပြီး ချက်ချင်းဒေါသူပုန်ထသွားတော့သည်။
" ရှင့်ကို ဘယ်သူကြက်ကင်ဝယ်လာခိုင်းလို့လဲ၊ ရှင့်မှာ တစ်လကို ယွမ်နည်းနည်းပါးပါးပဲ ရှာနိုင်တဲ့ကိစ္စ၊ ရှင့်မှာ ငွေရှာနိုင်တဲ့ အရည်အချင်းသာမရှိတာ သုံးတဲ့နေရာမှာတော့ တော်တော့်ကို တော်တာပဲ"
ဆွန်းလင်၏ဒေါသနှင့် ရင်ဆိုင်လိုက်ရသည်တွင် ရှန်အန်းက လေသံပျော့ပျော့နှင့်သာ ပြောနိုင်တော့သည်။
" ကလေးနှစ်ယောက်က ကောလိပ်ဝင်ခွင့်စာမေးပွဲ ဖြေပြီးတာ တွေ့ရတော့ သူတို့ခန္ဓာကိုယ်ကို အားဖြည့်စေချင်လို့ပါကွာ"
" ရှင် ရှင်းရှင်းအတွက် ဝယ်ပေးတာတော့ ဟုတ်ပါပြီ၊ ရှန်ယွဲ့ ဘယ်လောက်အထိ ဝလာလဲ ကြည့်အုံး၊ သူက စာမေးပွဲတိုင်းမှာ အမှတ်ဘယ်နှစ်မှတ် ရခဲ့ဖူးလို့လဲ၊ သူက ဘယ်လိုလုပ်ပြီး ကြက်ကင် စားရဲရမှာလဲ"
YOU ARE READING
အထူးလုပ်ကြံရေးသမတစ်ယောက်ရဲ့ စာမျက်နှာသစ်
Romanceလုပ်ကြံသူအဖွဲ့တစ်ခုရဲ့ ပျိုးထောင်ခံလာရပြီး ၁၃နှစ်တာလေ့ကျင့်လာပြီးနောက်ပိုင်း ရှန်ယွဲ့ဟာ အသက် ၁၇နှစ်အရွယ်မှာတော့ အကောင်းဆုံးလုပ်ကြံရေးသမား ဂုဏ်ပုဒ်ကိုရခဲ့ပြီးတော့ လုပ်ကြံရေးသမားတွေကြားမှာ ပြိုင်ဘက်ကင်း legendတစ်ယောက်ဖြစ်လာခဲ့တယ်။ legendတစ်ယောက်ဖြစ်လာ...