" ဦးလေး ကျွန်တော် အုံးနှောက် မကောင်းဘူးဆိုတာ ဦးလေးလည်းသိပါတယ်၊ ဒီတော့ ကျွန်တော့်ကို မရယ်ပါနဲ့ဗျာ"
ကျိုးယန်သည် စစ်တုရင်စကားပြီးနောက် သူ့ဉာဏ်ရည်များ ကုန်ခမ်းသွားသလို ခံစားလိုက်ရတော့သည်။ သူ့နောက်က ဆိုဖာပေါ် ပစ်လဲလိုက်ပြီး မှိုင်တွေစွာ ပြောလိုက်၏။
" အနိုင်ရဖို့ဆိုရင် မင်းအုံးနှောက်ကို သုံးမှရမှာပေါ့၊ စီးပွားရေးလောကဆိုတာ စစ်တုရင်ကစားပွဲလိုပဲ၊ နေရာတိုင်းမှာ ထောင်ချောက်နဲ့ အန္တရာယ်တွေရှိတယ်၊ တခြားလူတွေက မင်းကို ငယ်သေးလို့ဆိုပြီး အလျှော့ပေးမှာမဟုတ်ဘူး"
ကျိုးရွှမ်း ခေါင်းကို အသာအယာ ခါလိုက်လေသည်။ ထို့နောက် ဘေးတွင် မသက်မသာရပ်နေသည့် သူ့အတွင်းရေးမှူးကို ကြည့်လိုက်ပြီး သိလိုစိတ်ဖြင့် မေးလိုက်တော့သည်။
" ဘာလဲ"
အတွင်းရေးမှူးက ခက်ခက်ခဲခဲ ပြောလိုက်၏.
" ဥက္ကဋ္ဌကျိုး ရှန်ယွဲ့ကို တိတ်တိတ်လေး ကာကွယ်ပေးဖို့ Sမြို့ကိုလွှတ်လိုက်တဲ့ သက်တော်စောင့် ၆ယောက် သတင်းပြန်ပို့လာတယ်၊ မိန်းခလေးရှန်ယွဲ့က ဒီနေ့ည အပြင်ထွက်ထွက်ချင်းမှာပဲ သူတို့ကို လှည့်ကွက်သုံးပြီး လှည့်ထုတ်သွားတယ်တဲ့"
" လှည့်ကွက်သုံးတယ်ဟုတ်လား"
" ဟုတ်ပါတယ်၊ မိန်းခလေးရှန်ယွဲ့က တမင်ပုန်းနေခဲ့တာတဲ့၊ ကျွန်တော်တို့လူတွေက သူ အန္တရာယ်ကြုံ နေရတယ်လို့ ထင်လိုက်ပေမယ့် အချိန်အကြာကြီးနေအထိ သူ့ကို ရှာမတွေ့ခဲ့ဘူးတဲ့၊ မိန်းခလေးရှန်ယွဲ့က ရုတ်တရက်ပေါ်လာပြီး သူ့ကို ခြောက်လန့်ခဲ့တယ်တဲ့"
အတွင်းရေးမှူးသည် ခါးခါးသီးသီးဖြင့် ပြောလိုက်လေသည်။
" ဟားဟားဟားဟား ရှန်ယွဲ့က အဲလောက်စိတ်ဝင်စားစရာကောင်းလိမ့်မယ်လို့ လုံးဝထင်မထားခဲ့ဘူး၊ ငါ့ကို ကယ်ပေးခဲ့တဲ့လူလို့မပြောရဘူး"
ကျိုးယန်သည် ချက်ချင်း သဘောကျသွားတော့သည်။ သူ့ပေါင်ကို ရိုက်ကာ အော်ရယ်နေတော့သည်။
" ဆန်ကုန်မြေလေးတစ်သိုက်"
ကျိုးရွှမ်း၏ နှုတ်ခမ်းထောင့် ကွေးတက်သွား၏။ ဒီကောင်မလေး ရှန်ယွဲ့ အရမ်းပါးနပ်တာ သူ အစောကြီးကတည်းက တွေ့ခဲ့ပြီးသား။ ရှန်ယွဲ့က သက်တော်စောင့် ၆ယောက်အား တွေ့သွားသည်ကို ကျိုးရွှမ်း မအံ့ဩပေ။ ထို့အစား သူမလှုပ်ရှားမှုက အတန်ငယ်ထူးဆန်းနေသည်ဟု ခံစားလိုက်ရတော့သည်။
YOU ARE READING
အထူးလုပ်ကြံရေးသမတစ်ယောက်ရဲ့ စာမျက်နှာသစ်
Romanceလုပ်ကြံသူအဖွဲ့တစ်ခုရဲ့ ပျိုးထောင်ခံလာရပြီး ၁၃နှစ်တာလေ့ကျင့်လာပြီးနောက်ပိုင်း ရှန်ယွဲ့ဟာ အသက် ၁၇နှစ်အရွယ်မှာတော့ အကောင်းဆုံးလုပ်ကြံရေးသမား ဂုဏ်ပုဒ်ကိုရခဲ့ပြီးတော့ လုပ်ကြံရေးသမားတွေကြားမှာ ပြိုင်ဘက်ကင်း legendတစ်ယောက်ဖြစ်လာခဲ့တယ်။ legendတစ်ယောက်ဖြစ်လာ...
