အပိုင်း (၈၅) ရန်သူရဲ့တန်ပြန်တိုက်စစ်
"Sမြို့ပဲ ဖြစ်ပြန်ပြီလား"
ကျိုးရွှမ်းက အံ့ဩတကြီးဖြင့် သူ့မျက်ခုံးများကို ပင့်လိုက်တော့သည်။ သူသည် ဟယ်ရှန့်ထိန်းချုပ်ထားသည့် ကွန်ပျတာအနားသို့ တိုးသွားလိုက်ပြီး သေသေချာချာ ကြည့်လိုက်လေသည်။
ဟယ်ရှန့်ရေးထားသည့် အထူးပရိုဂရမ်သည် တစ်ဆင့်ခြင်း လုပ်ဆောင်နေပြီး သည်လျှို့ဝျက်ပုဂ္ဂိုလ်၏လိပ်စာကို အသေးစိတ်ဖော်ထုတ်နေလေသည်။
" Sမြို့က Eခရိုင်ရဲ့ မြို့စွန်နဲ့ ကပ်နေထားတာလား၊ ဂြိုဟ်တုဓာတ်ပုံကို ကြည့်ရတာတော့ အဲဒီနေရာက ရွက်ဖျင်တဲနဲ့ တဲစုတ်တွေပြည့်နေတဲ့ ဆင်းရဲသားရပ်ကွက်တစ်ခုလေ ဟုတ်တယ်မလား" ဟယ်ရှန့်က မြေပုံကို ဆွဲချဲ့လိုက်ကာ သိလိုစိတ်ဖြင့် မေးလိုက်လေသည်။
ပြီးခဲ့တဲ့အခေါက် Sမြို့ကို သွားတုန်းက ဒီနေရာကို ရောက်ခဲ့ဖူးသလိုပဲ.... ကျိုးရွှမ်းက တွေးတွေးဆဆ အမူအရာတစ်ခု ထုတ်ပြလိုက်သည်။
" အဲဒီပုဂ္ဂိုလ်သုံးတဲ့ အင်တာနက်ဖုန်းကို ရှာတွေ့ပြီ"
ဟယ်ရှန့်က အံ့ဩသွားကာ ရုတ်တရက် အော်ပြောလိုက်တော့သည်။ ထို့နောက် သူ့လက်ချောင်များက စိတ်ဝင်တစားဖြင့် ကီးဘုတ်ကို မြန်မြန်ရိုက်လိုက်ပြီး ထိုလျှို့ဝှက်သည့်ပုဂ္ဂိုလ်၏စက်နှင် ချိတ်ဆက်မှုတစ်ခု ရအောင် ကြိုးစားလိုက်တော့သည်။
"တွေ့ပြီလား"
ကျန်းဟွမ်နှင့် လင်ရှောင်းတို့က ထိုစကားကို ကြားလိုက်တော့ စိတ်လှုပ်ရှားသွားပြီး မတ်မတ် ထိုင်လိုက်ကြလေသည်။ သူတို့သည် တဖက်လူက ၅မိနစ်လောက်ဖြစ်ဖြစ် တွေ့ဆုံဖို့အခွင့်အရေး တစ်ခုပေးရန်သာ မျှော်လင့်ထားခဲ့သည်။
" ခဏလေး...."
ဟယ်ရှန့်က ကုဒ်ကို မြန်မြန်ရိုက်လိုက်သော်လည်း သူ့အမူအရာက အရင်ကလို အေးဆေးသက်သာမနေတော့ချေ။ ပိုပိုပြီး လေးနက်လာတော့သည်။ သူသည် တဖက်လူ၏မိုဘိုင်းလ်ဖုန်းကို ဝင်ပြီး ဗိုင်းရက်စ်ကုဒ်မှ တဆင့်ဟက်ရန် ကြိုးစားလိုက်ရုံရှိသေးသည်။ သို့သော် မူရင်း အကာအကွယ်မဲ့ပြီးသား ရှာဖွေရေးလုပ်ငန်းစဥ်က သည်အဆင့်တွင် လွဲချော်သွားတော့သည်။
YOU ARE READING
အထူးလုပ်ကြံရေးသမတစ်ယောက်ရဲ့ စာမျက်နှာသစ်
Romanceလုပ်ကြံသူအဖွဲ့တစ်ခုရဲ့ ပျိုးထောင်ခံလာရပြီး ၁၃နှစ်တာလေ့ကျင့်လာပြီးနောက်ပိုင်း ရှန်ယွဲ့ဟာ အသက် ၁၇နှစ်အရွယ်မှာတော့ အကောင်းဆုံးလုပ်ကြံရေးသမား ဂုဏ်ပုဒ်ကိုရခဲ့ပြီးတော့ လုပ်ကြံရေးသမားတွေကြားမှာ ပြိုင်ဘက်ကင်း legendတစ်ယောက်ဖြစ်လာခဲ့တယ်။ legendတစ်ယောက်ဖြစ်လာ...