အပိုင်း (၁၀၁) အပေါက်ဆိုးတဲ့မိန်းမ
ရုံးခန်းထဲက လူတိုင်း မှင်သက်အံ့ဩသွားကြတော့သည်။ အခိုက်တန့်တွင် ဘယ်သူမှ မတုန့်ပြန်နိုင်ခဲ့ကြပေ။ စက္ကန့်အနည်းငယ်ကြာပြီးမှ ချောင်ဖန်းထံမှ ထူးဆန်းသည့်ငိုသံတစ်ခု ထွက်လာပြီး သက်တော်စောင့်တစ်ချို့နှင့်အတူ ကြမ်းပြင်ပေါ်သို့ ပြုတ်ကျသွားသဖြင့် အော်ဟစ်နေသည့် ကျန်းရန်အား တွဲထူရန် ရောက်သွားတော့သည်။
"အစ်မ"
ရှန်ချန်သည် ရှန်ယွဲ့ကို မြင်လိုက်သည်နှင့်တပြိုင်နက် သူ့လည်ချောင်းထဲတွင် တစ်ခုခုဆို့သွားသလို ခံစားလိုက်ရတော့သည်။ အစပိုင်းက သူဟန်ဆောင်ထားခဲ့သည့် သန်မာကာ အကြောက်အရွံ့ကင်းမဲ့မှုများသည် ပျောက်ခြင်းမလှ ပျောက်သွားတော့သည်။ သည်ကိစ္စ၏ နောက်ဆက်တွဲရလာဒ်များကို စဥ်းစာရင်း ရှန်ချန်မှာ အတိုင်းမသိအောင် အပြစ်ရှိသလို ခံစားလိုက်ရတော့သည်။
" ငါ တောင်းပန်ပါတယ်၊ ငါ ဒီလို မလုပ်ခဲ့သင့်ဘူး၊ ငါ နင့်ကို ဒုက္ခပေးမိပြီ"
ရှန်ယွဲ့က ရှန်ချန်ထံ မြန်မြန်လျှောက်သွားလိုက်ပြီးနောက် သူ့လက်ကောက်ဝတ်ကို ဖမ်းဆုပ်လိုက်၏။ သူ့ချောမွတ်နေသည့် အသားအရေပေါ်က အနီရောင်တောက်တောက်လက်ဝါးရာကိုကြည့်ရင်း သူမသည် သူ့ကို ပြန်မဖြေတာ့ချေ။ ထို့အစား သူမက အေးစက်စက်နှင့် မေးလိုက်သည်။
" အဲဒီအပေါက်ဆိုးတဲ့မိန်းမက နင့်ကို ရိုက်လိုက်တာလား"
ရှန်ချန်မှာ ကြောင်အမ်းအမ်းနှင့် ခေါသ်းညိတ်ပြလိုက်၏။ သူသည် ရှန်ယွဲ့မျက်လုံးများထဲတွင် ပုံးကွယ်နေသည့် ဒေါသကို တွေ့လိုက်ရပြီး အမှားလုပ်ထားသည့်ကလေးတစ်ယာက်လို အပြစ်ရှိသလို ခံစားလိုက်ရတော့သည်။
" နင်ကများ ဘယ်သူ့ကို အပေါက်ဆိုးတဲ့မိန်းမလို့ ခေါ်နေတာလဲ၊ ငါ့သားကိုများ အတင့်ရဲလို့ ရိုက်ရသလား၊ နင်တော့ သေပြီသာမှတ်"
ချောင်ဖန်းသည် အလွန်ဒေါသထွက်သွားပြီး သူမ၏ခန္ဓာကိုယ်တစ်ခုလုံးမှာ တုန်ယင်နေတော့သည်။ သူမ၏အဖိုးတန်သားလေးသည် သူမ၏အသက်သွေးကြောပင်။ သို့သော် သူသည် ဘယ်ကရောက်လာမှန်းမသိသည့် သည်ဝတုတ်မ၏ ကန်ကျောက်ခြင်းကို ခံလိုက်ရသည်။ သူမသည် ဒေါသခြောင်းခြောင်း ထွက်သွားတော့သည်။
YOU ARE READING
အထူးလုပ်ကြံရေးသမတစ်ယောက်ရဲ့ စာမျက်နှာသစ်
Romanceလုပ်ကြံသူအဖွဲ့တစ်ခုရဲ့ ပျိုးထောင်ခံလာရပြီး ၁၃နှစ်တာလေ့ကျင့်လာပြီးနောက်ပိုင်း ရှန်ယွဲ့ဟာ အသက် ၁၇နှစ်အရွယ်မှာတော့ အကောင်းဆုံးလုပ်ကြံရေးသမား ဂုဏ်ပုဒ်ကိုရခဲ့ပြီးတော့ လုပ်ကြံရေးသမားတွေကြားမှာ ပြိုင်ဘက်ကင်း legendတစ်ယောက်ဖြစ်လာခဲ့တယ်။ legendတစ်ယောက်ဖြစ်လာ...