မစ္စလီသည် ရှန်ယွဲ့ကို ဆက်တိုက်ဆဲဆိုလိုက်ရာ ကျောင်းသားများက ကြောင်အမ်းအမ်းဖြစ်သွားတော့သည်။ ထိုနောက်တွင် တစ်စုံတစ်ယောက်က ချက်ချင်းတုန့်ပြန်ကာ အံ့ဩတကြီးမေးလိုက်၏။
" ဒါဆို ရှန်ယွဲ့ သုညရတာ မသမာနည်းနဲ့ဖြေလို့ပေါ့"
" ဘုရားရေ သူက မသမာတာလုပ်ဖို့တောင် အရမ်းပျင်းလွန်းလို့ ကိုယ့်ဟာကိုပေါက်ကရတွေပဲ ရေးတတ်တဲ့သူမလား"
ရှန်ယွဲ့၏မျက်နှာပေါ်တွင် ဘာခံစားချက်မှမရှိချေ။ သူမသည် မတ်မတ်ရပ်လိုက်ပြီး သူမ၏မျက်လုံးများက အေးစက်နေရာ မစ္စလီကို သတိလက်လွှတ်တုန်ယင်သွားစေတော့သည်။
" ဆရာမက သမီးကို မသမာမှုလုပ်တယ်ဆိုပြီး စွပ်စွဲနေတာလား၊ ပေါက်ကရတွေပြောပြီး သမီးကို ဒီလိုနာမည်ဖျက်ရအောင် ဘာသက်သေရှိလို့လဲ"
" ပြီးတော့ တစ်ခန်းထဲမှာ မိနစ် နှစ်ဆယ်လုံးလုံး အဓိပ္ပါယ်မရှိတာပြောခဲ့ပြီး သမီးက မေးခွန်းလေးနှစ်ခုမေးတာကို အတန်းစာသင်ချိန်ကို နှောင့်ယှက်တာ ဖြစ်သွားတယ်ပေါ့၊ ဆရာတစ်ယောက်လုပ်ရမယ့် ဟာတွေကိုရော သိရဲ့လား"
"နင်"
မစ္စလီသည် ရှန်ယွဲ့၏စကားကြောင့် ဆွံ့အသွားတော့သည်။ ခဏလောက် ရင်ခံသွားပြီးနောက် သူမသည် ခါးထောက်ကာ ဒေါသတကြီး ပြောဆိုတော့သည်။
" ငါက နင် မသမာတာလုပ်တယ်လို့ ပြောရင် နင်က မသမာတာလုပ်တယ်ပေါ့၊ နင်က ဘာသက်သေလိုချင်နေတာလဲ၊ ငါ့စာသင်တဲ့သက်တမ်းတစ်လျှောက်လုံး မသာမှုလုပ်ထားပြီးမှ အတန်းထဲမှာ ဆရာတစ်ယောက်ကို မေးခွန်းပြန်ထုတ်ရဲ့တာ ဒါပထမဆုံးပဲ၊ ရှန်ယွဲ့ နင် တကယ် အရှက်မရှိတာပဲ ၊ ငါ နင့်ကိုပြောလိုက်မယ်၊ နင့်လို ကျောင်းသားဆိုးတစ်ယောက်ကလေ အပြစ်ပေးခံရုံမကဘူး ကျောင်းပါထုတ်ခံရမှာ ပြီးတော့ ကောလိပ်ဝင်ခွင့်စာမေးပွဲကိုလည်း ဝင်ခွင့်ရမှာမဟုတ်ဘူး၊ နင်က လုံးဝအရည်အချင်းမရှိတာလေ"
" ဆရာမက သမီး မသမာတာလုပ်ခဲ့တယ်ဆိုတဲ့ သက်သေတောင် မပြနိုင်ဘဲနဲ့ ကျောင်းထုတ်မယ်လေး ကောလိပ်ဝင်ခွင့်ရမှာမဟုတ်ဘူးလေနဲ့ ခြိမ်းခြောက်နေတာလား၊ သမီးအထင် ဆရာမက ဆရာတစ်ယောက် ဆက်မလုပ်ချင်တော့ဘူးနဲ့တူတယ် ဟုတ်လား"
YOU ARE READING
အထူးလုပ်ကြံရေးသမတစ်ယောက်ရဲ့ စာမျက်နှာသစ်
Romanceလုပ်ကြံသူအဖွဲ့တစ်ခုရဲ့ ပျိုးထောင်ခံလာရပြီး ၁၃နှစ်တာလေ့ကျင့်လာပြီးနောက်ပိုင်း ရှန်ယွဲ့ဟာ အသက် ၁၇နှစ်အရွယ်မှာတော့ အကောင်းဆုံးလုပ်ကြံရေးသမား ဂုဏ်ပုဒ်ကိုရခဲ့ပြီးတော့ လုပ်ကြံရေးသမားတွေကြားမှာ ပြိုင်ဘက်ကင်း legendတစ်ယောက်ဖြစ်လာခဲ့တယ်။ legendတစ်ယောက်ဖြစ်လာ...