အပိုင်း (၁၃၂) အွန်လိုင်းအင်တာဗျူး
ရှန်ရှင်းသည် အချိန်ကိုကြည့်လိုက်ချိန်တွင် ထပ်ပြီး တအံ့တဩဖြစ်သွားပြန်သည်။
" ကိုးနာရီ၊ ဒါက အရမ်းအချိန်ကပ်နေပြီပဲ"
" ကလေး ဘာဖြစ်လို့လဲ"
ဆွန်းလင်သည် ရှန်ရှင်း၏ အံ့ဩသွား အမူအရာကို မြင်လိုက်ရသောအခါ စိတ်ပူသွားပြီး မေးလိုက်တော့သည်။
ရှန်ရှင်းက စာထဲကအကြောင်းအရာကို ဆွန်းလင်အား အကျဥ်းချုပ်ပြောပြလိုက်၏။ ဆွန်းလင်က ဝမ်းသာအားရ ပြောလိုက်လေသည်။
" ဒါက ကောင်းတဲ့ကိစ္စပဲ၊ သမီး စောစော အင်တာဗျူးထားရင် ခွင့်ပြုမိန့်အရည်အချင်းကို မြန်မြန် အတည်ပြုနိုင်တာပေါ့၊ ဒါမှ သမီးလည်း ကောလိပ်ဝင်ခွင့်စာမေးပွဲကို ဖြေစရာမလိုတော့မှာလေ"
" ဒါပေမယ့် သမီး ဘာမှမပြင်ဆင်ရသေးဘူး၊ တကယ်လို့များ ဘေးအခန်းကလူက အိမ်မှာ အွန်လိုင်းအင်တာဗျူးလုပ်နေတာ ကြားသွားရင် ဘယ်လိုလုပ်မလဲ" ရှန်ရှင်းသည် အလွန်တိုးညင်းစွာ ပြောလိုက်ပြီး ဘေးအခန်းက ရှန်ယွဲ့နှင့် ရှန်ချန်တို့ ကြားသွားမည်ကို စိုးရိမ်နေလေသည်။
" အဲဒီအတွက် စိတ်မပူပါနဲ့၊ အမေ သမီးကို အင်တာနက်ဆိုင်မှာ အင်တာဗျူးလုပ်လို့ရအောင် အပြင်ခေါ်သွားပေးမယ်လေ၊ အင်တာဗျူးအတွက် ကွန်ပျူတာကိုသုံးတာ ပိုပြီးလွယ်ကူတာပေါ့" ရှန်ရှင်းက အင်တာဗျူးကို ချောချောမောမော ဖြေနိုင်ရန် အလို့ငှာ ဆွန်းလင်က အဖြေကို ချက်ချင်း စဥ်းစားပေးလိုက်လေသည်။
ရှန်ရှင်းက အဆင်ပြေသည်ဟု ထင်လိုက်သည်။ သူမက ကိုယ့်ဟာကိုယ်မြန်မြန် ပြင်ဆင်လိုက်ပြီး မိတ်ကပ်ပြင်လိုက်ကာ ဆွန်းလင်နောက်က လိုက်ထွက်လာခဲ့တော့သည်။
တံခါးပိတ်သံကြားလိုက်ရသဖြင့် ရှန်ချန်က မျက်မှောင်ကျုံ့လိုက်၏။ ခုနက အမေနဲ့ရှန်ရှင်းတို့ အပြင်ထွက်သွားတာထင်တယ်။ ညကြီးမင်းကြီး သူတို့တွေဘာလုပ်နေလည်း မသိပါဘူး။ ဒီနေ့ တကယ့်ကို မူမမှန်ဘူး။ ရှန်ချန်က သူ့ဖုန်းနှင့် ရှန်ယွဲ့ဆီ စာတစ်စောင်ပို့ကာ လှမ်းမေးလိုက်၏။
YOU ARE READING
အထူးလုပ်ကြံရေးသမတစ်ယောက်ရဲ့ စာမျက်နှာသစ်
Romanceလုပ်ကြံသူအဖွဲ့တစ်ခုရဲ့ ပျိုးထောင်ခံလာရပြီး ၁၃နှစ်တာလေ့ကျင့်လာပြီးနောက်ပိုင်း ရှန်ယွဲ့ဟာ အသက် ၁၇နှစ်အရွယ်မှာတော့ အကောင်းဆုံးလုပ်ကြံရေးသမား ဂုဏ်ပုဒ်ကိုရခဲ့ပြီးတော့ လုပ်ကြံရေးသမားတွေကြားမှာ ပြိုင်ဘက်ကင်း legendတစ်ယောက်ဖြစ်လာခဲ့တယ်။ legendတစ်ယောက်ဖြစ်လာ...
