အပိုင်း (၉၄) အခုချက်ချင်းထွက်သွား
" ဟုတ်ကဲ့ ဟုတ်ကဲ့ ကျွန်တော် အခုချက်ချင်း ထွက်သွားပါ့မယ်"
ကျိုးရှန်းသည် စကားနှစ်လုံးသာ ပြောလိုက်သော်လည်း ဟယ်ရှန့်ကို အလွန်ပျော်ရွှင်သွားစေတော့သည်။ အဓိပ္ပါယ်မှာ ကျိုးရွှမ်းက သူ့တောင်းပန်းမှုကို လက်ခံလိုက်ပြီး သူ့ကို နောက်ထပ်အခွင့်အရေးတစ်ခု ပေးလိုက်ခြင်းပင်။
ထင်ထားတဲ့အတိုင်းပဲ အားလုံးပြောကြတဲ့ စကားတွေက အမှန်ပဲ။ ဥက္ကဋ္ဌကျိုးက အမြဲတမ်း သူ့လက်အောက်က ဝန်ထမ်းတွေကို သည်းခံပေးပြီး ဖော်ရွေတယ်တဲ့။ သူ ဆရာတင်ခဲ့လိုက်တာမမှားဘူး။ ဟယ်ရှန့်သည် အသက်ချမ်းသာခွင့် ရသွားသည့်နှယ် ရုတ်ချည်းဆိုသလို ထခုန်လုမတတ်ဖြစ်သွားတော့သည်။သူသည် ကျိုးရွှမ်းက ရုတ်တရက် သူ့ကို အမြင်ကပ်သွားပြီး စိတ်ပြောင်းသွားမည် စိုးရိမ်မိသဖြင့် နောက်တစ်စက္ကန့်လေးပင် ဆက်မနေရဲတော့ချေ။
သူသည် တံခါးဆီကို သွက်သွက်လက်လက်ပြေးသွားပြီး တံခါးကို ဆွဲဖွင့်ကာ ထွက်သွားတော့မည်ပြင်လိုက်စဥ် ကျိုးရွှမ်းက ရုတ်တရက် သူ့ကို တားလိုက်တော့သည်။
"ရပ်လိုက်"
"ဥက္ကဋ္ဌကျိုး ဘာ.... ဘာကိစ္စရှိသေးလို့ပါသလဲ" ဟယ်ရှန့်၏အပြုံးမှာ တောင့်တင်းနေတော့သည်။
" မင်း ဇီးရိုးကို ရှာလို့မတွေ့မချင်း ပြန်မလာနဲ့"
ကျိုးရွှမ်း၏အသံသည် စူးရှကာ သူ့အမူအရာကလည်း တည်ငြိမ်နေသည်။
" အမိန့်အတိုင်းပါ" ဟယ်ရှန့်က မြန်မြန်ဆန်ဆန် ခေါင်းညိတ်လိုက်ပြီးနောက် ထွက်သွားတော့သည်။
ဟယ်ရှန့်ထွက်သွားပြီးနောက် ကျိုးရွှမ်းနှင့် အတွင်းရေးမှူးတို့သာ ကျယ်ဝန်းလှသည့်ရုံးခန်းထဲတွင် ကျန်ခဲ့လေသည်။
ကျိုးရွှမ်းက သူ့ခံစားချက်များကို ဖြည်လျော့ပြီးသွားကြောင်း အာရုံခံမိသဖြင့် အတွင်းရေးမှူးက သူ့အတွေးများကို ကြိုးစားအဖြေရှာရင်း ပြောလိုက်တော့သည်။
" ဥက္ကဋ္ဌကျိုး ဒီနေ့ကိစ္စကို ရှင်းပြဖို့ အရေးပေါ်အစည်းအဝေးတစ်ခု လုပ်ဖို့လိုသေးလား..."
YOU ARE READING
အထူးလုပ်ကြံရေးသမတစ်ယောက်ရဲ့ စာမျက်နှာသစ်
Romanceလုပ်ကြံသူအဖွဲ့တစ်ခုရဲ့ ပျိုးထောင်ခံလာရပြီး ၁၃နှစ်တာလေ့ကျင့်လာပြီးနောက်ပိုင်း ရှန်ယွဲ့ဟာ အသက် ၁၇နှစ်အရွယ်မှာတော့ အကောင်းဆုံးလုပ်ကြံရေးသမား ဂုဏ်ပုဒ်ကိုရခဲ့ပြီးတော့ လုပ်ကြံရေးသမားတွေကြားမှာ ပြိုင်ဘက်ကင်း legendတစ်ယောက်ဖြစ်လာခဲ့တယ်။ legendတစ်ယောက်ဖြစ်လာ...
