အပိုင်း (၇၂) အိုဗာဖြစ်လွန်းတယ်
ကျောင်းအုပ်ကြီးရုံးခန်းသည် လူများနှင့် ပြည့်နေလေသည်။ ဗိုက်ပူပူသက်လတ်ပိုင်းအရွယ် ယောက်ျားတစ်ချို့၊ သူစိမ်းဆန်ဆန်အမူအရာတစ်ခုနှင့် ထိပ်ပြောင်ယောက်ျားတစ်ယောက် နှင့် အကျင့်မကောင်းသည့်ရုပ်ထွက်သည့် သက်လတ်ပိုင်းအရွယ်မိန်းမတစ်ယောက်က သူ့ဘေးတွင်ရပ်နေလေသည်။ ထို့အပြင် အနည်းငယ် အကျပ်ရိုက်နေကြသည့် လုံခြုံရေးအစောင့်တစ်ချို့လည်း ရှိနေ၏။
ရှီဖုန်း၏ ကနဦးကောက်ချက်မှာ မကောင်းသည့်သဘာဝရှိသည့် ကျောင်းတွင်းအကြမ်းဖက်မှုတစ်ခု ဖြစ်နိုင်သည်ဟူ၍။ သူသည် နစ်နာသူက မည်သို့ လုပ်ဆောင်ခဲ့ပြီး ရှန်ယွဲ့က မည်သည့်အခန်းကဏ္ဍာတွင် ပါဝင်ခဲ့ကြောင်း စဥ်းစားလိုက်လေသည်။
သူ့အတွေးများသည့် ခပ်မြန်မြန်ပြေးလွှားသွားပြီးနောက် နစ်နာသူ၏အခွင့်အရေးကို တတ်နိုင်သမျှကာကွယ်ရန် တရားစွဲဆိုမှုကို မည်သို့ရင်ဆိုင်မည်ကို စဥ်းစားလိုက်လေသည်။ ရှန်ယွဲ့က သူ့နားထဲသို့ တီးတိုးပြောလိုက်ပြိး ဖြစ်ရပ်တစ်ခုလုံးကို အကျိုးအကြောင်း အကျဥ်းချုပ်ရှင်းပြလိုက်တော့သည်။
" ဒီတော့ မင်း ငါ့ကို ဒီကို လာဖို့ခေါ်ကာ သူတို့တွေက မင်းကို ခိုးချတယ်လို့ စွပ်စွဲလို့ပေါ့"
ရှီဖုန်းသည် မယုံနိုင်ဖြစ်သွားတော့သည်။ ဒါက ဒီအတိုင်း အိုဗာဖြစ်လွန်းတာ မဟုတ်ဘူးလား။
" ဟုတ်တယ်"
ရှန်ယွဲ့သည် အလွန်အပြစ်ကင်းစင်ဟန် ဖြစ်နေလေသည်။ နောက်ဆုံး သူမသည် ရှေ့နေဆိုလျှင် ရှီဖုန်းတစ်ယောက်ကိုသာ သိလေသည်။
"ကောင်းပြီလေ"
ရှီဖုန်းသည် သူ့စိတ်ထဲတွင် ခါးသီးမှုကို မြိုချထားလိုက်ပြီး သဘောတူလိုက်၏။ ဒါသည် သူ့အတွက် ပထမဆုံး အဆင့်နိမ့်တရားစွဲမှုတစ်ခု ဖြစ်သော်လည်း ကျောင်းဘက်က အရာအားလုံးဆုံးရှုံးသွားရအောင် အကောင်းဆုံး ကြိုးစားရလိမ့်မည်....
" ရှီ... ခင်ဗျားက တကယ်ပဲ ရှေ့နေကြီးရှီ လား"
ကျောင်းအုပ်ကြီးသည် နည်းငယ် အထစ်ထစ်အငေါ့ငေါ့ ဖြစ်သွားတော့သည်။ သူသည် ရှီဖုန်း၏မျက်နှာကို စိုက်ကြည့်လိုက်ပြီး ခြေမကိုင်မိ လက်မကိုင်မိဖြစ်သွားတော့သည်။
YOU ARE READING
အထူးလုပ်ကြံရေးသမတစ်ယောက်ရဲ့ စာမျက်နှာသစ်
Romanceလုပ်ကြံသူအဖွဲ့တစ်ခုရဲ့ ပျိုးထောင်ခံလာရပြီး ၁၃နှစ်တာလေ့ကျင့်လာပြီးနောက်ပိုင်း ရှန်ယွဲ့ဟာ အသက် ၁၇နှစ်အရွယ်မှာတော့ အကောင်းဆုံးလုပ်ကြံရေးသမား ဂုဏ်ပုဒ်ကိုရခဲ့ပြီးတော့ လုပ်ကြံရေးသမားတွေကြားမှာ ပြိုင်ဘက်ကင်း legendတစ်ယောက်ဖြစ်လာခဲ့တယ်။ legendတစ်ယောက်ဖြစ်လာ...
