عويشة دارت احرف من زكية : روروروييي
مفتاح فنص عيونه و حط ايده ع فمها: بلا هبااااااال عاد نسيتي روحك و الا كيف
عويشة استاقضت : عليك حشمة لكن والله من فرحتي
جت منوبة تضحك : هههههه مبارك مبارك هذا غير تضحكي ع المراة
مفتاح : الله يبارك فيك يا امي لكن اي مراة
عويشة حكتله انهم سمعوا زكية تزغرط
مفتاح : اي قولي هكي وانا نقول المراة هذه شني عرفها ان الراجل رد عليا
مودة داخل تسمع فيهم و فرحانة لبست ع السريع و طلعت : بوي عادي نمشي لعزيزة
مفتاح ضحك : ههههه سرها قوي عزيزة هذه بري و قوليلهم شويا و نمشوا جميع للعصر
مودة طلعت فيسع
عويشة : تعالى و احكيلي ع شني تفاهمتوا
مفتاح : تي شني تفاهمنا يا مراة خيرك مازال الاصول وقت نمشوله في حوشه و نرفع معاي ناسي نتفاهم معاه
عويشة : والله من فرحتي
منوبة : معاك حق لكن من توا يا مفتاح راهو العيد الكبير عصبانه تديره الخمسية باذن الله
مفتاح و عويشة تفاجؤو الاثنين : شني؟
منوبة : و الله هذا هو انا ليا سنين نراجي في فرحتي بيه طاهر و ماصدقت اللي قال باهي و خطب تبوني مازال نراجي
مفتاح : يصير خير يا امي نشبحو حتى الناس عاد مرات ما يابوش
منوبة : ما يقولوا شي من يومنا الكلام ع اهل الراجل
عويشة : لكن يا عمتي راهو ما فيش وقت
منوبة : كله ساهل يجي دام الفلوس فيه اللي في السوق مش واعر
مفتاح اشر لعويشة تسكر ع الموضوع : خلاص يا امي يصير خير و باذن الله تكوني راضية
منوبة: و حتى طاهر نبي انا اللي نبشره يا مفتاح راهو كبدي هك تقول عليه (دارت حركة بايديها )
مفتاح ضحك: ههههه لو كان يسمعك ماجد تقولي هكي
لحظة صمت لان اسمه و كلمة لو يسمعك نبهتهم او خلي نقولوا ذكرتهم بمشكلة كبيرة و جدية ح تواجههم بمجرد سماع ماجد لخبر خطوبة طاهر و اكيد الخبر وقت يوصل لحوش جبريل اثره ح يكون ع ماجد
عويشة اعطت نظرة بالمعنى المذكور لمفتاح تدور ع اي شيء يطمنها لان مهما كان ما في والدين يتمنوا يصير اي خلاف كبير بين الخوت ما بالك هما اللي اساس تربيتهم كان محبة الاخوة لبعض و اهتمامهم ببعض كان اولوية غير قابلة للنقاش
لكن مفتاح نفسه كان خايف و يخمم في ذات الموضوع نزل راسه و مشي لداره بدون و لا كلمة
منوبة فهمت سبب صمتهم : يدير الله طريق توكلوا عليه و ادعولهم ربي ما يفرق بينهم و لا يخش بينهم حد و باذن الله خير
