(نعتذر ع التاخير بس والله ظروف اعذروني مش ح نقدر نلتزم بموعد محدد اول ما نكمل انزل و يارب نلتزم بالتنزيل اليومي )
الدكتور : انا ح نكون صريح اذا تجاوز المريض الفترة الحرجة اللي هي ثلاث ايام احني اهني ما عندنا ما نديروا بعدها يعني مجرد نصيحة لو عندكم امكانيات طلعوه حتى لتونس
الكل : 😨
طاهر حط ايده ع كتف سعد : باذن الله يا دكتور الامكانيات موجودة
محمود : اكيد اهم شي ينوض منها ع خير
سعد مش قادر لا يرفض و لا يوافق ساكت و بس حاس بالعجز و قلة الحيلة و هذه اصعب شعور ع اي راجل في موقف زي هذا
ماجد: ياريت يا دكتور تدير فينا معروف و تدورلنا ع اسم مصحة و دكتور كويس ناخذوه ليها
الدكتور : باذن الله انتم موصيني عليكم الدكتور صلاح ... اهو جي هوا
وصل صلاح : السلام عليكم ربي يطمنكم عليه يا جماعة
: و عليكم السلام
سعد : ان شاء الله
صلاح : خلاص يعني الصورة واضحة وانا و الدكتور باذن الله ندوروا ع افضل مكان يمشيله
ماجد : خلاص معناها نراجو فيكم
: ان شاء الله
سعد يتكلم بصوت مخنوق: امي شني وضعها يا صلاح؟
صلاح : تبي وقت الجلطة كان ممكن تأذي لوفاة راهو بس الحمدلله جبتوها في الوقت المناسب
سعد : الحمدلله ... باهي ممكن نفهم شن اثرها عليها
صلاح باسف شاف للباقي: للاسف سببتلها شلل نصفي ممكن مع الوقت و العلاج الطبيعي ترجع تتحرك عادي بس حاليا صعب
سعد دموعه نزلوا مسحهم : ماشي شكرا
صلاح : العفو .. وكل امرك لربي و باذن الله خير
سعد : ان شاء الله
مشي صلاح وراء الدكتور
و سعد قعمز حط ايديه ع راسه بقلة حيلة حاس ان عليه حمل جبال !!!
حاولوا الشباب يهونوا عليه مصابه بس هوا كل ما يتعاملوا معاه باخوية تصغر بيه الدنيا اكثر ....
مديحة مقعمزة ع الكرسي قدام العناية و النوم ينعس فيها لعند قريب اطيح و ترجع تقعمز ثاني ....
