بعد يومين
طاهر واخذ عزيزة معاه لمكان محدد و يحاول جاهدا يطلعها من اللي هي فيه
اشر ع مكان بعينه : هذا يكون مسجد شبه مكتمل زي ما تشبحي مازال ناقصات فيه حاجات بسيطة لكن منارة تحفيظ القران هي اللي تبي هلبة و ع شان هكي وقت بوي قالي ع ان المبلغ اللي اعطيتيه يا عيوني ع شان ينقذهم من وضعهم الصعب جاهز و يبي يرده فكرت ان نحطوا المبلغ اللي كنتي ناوية تتصدقي بيه ع المرحوم اهني صدقة جارية ع روحه
عزيزة : بس انا كنت متمنية حاجة خاصة بيه هوا و يكون عليها اسمه🥹🥹🥹
طاهر اشر ع المكان : انت علاش تبي الصدقة في مكان زي هذا
عزيزة : لان نبيها صدقة جارية
طاهر : اجرها عند مني الصدقة الجارية
عزيزة : اكيد عند ربي اجرها
طاهر خذي نفس عميق : و يعني وقت تحطيها اهني ربي مش ح يعرف ان الصدقة هذه للمرحوم و انها من حر ماله ضروري تحطي اسمه عليها وقتها يا عزيزة ح يدخل فيها الرياء يعني تبدي تتمني الكل يقول ع بوك ان هوا صاحب الفضل في تاسيس المكان هذا ح تاخذي حقه في الدنيا من شكر الناس و ممكن في اللي يشكر في وجهك و من وراك يذم
اما اللي توصله الصدقة زي ما انت ناويتها و يعطي اجرها بغير حساب فهو الله عز و جل و كل دعوة صدقيني من الناس لصاحب الخير هذا ح توصله بدون ما يعرفوا اسمه اما اذا تبي الدنيا و الشهرة فيها فمن حقك ديري اللي تبيه و حطي اسمه عليها
عزيزة اقتنعت : لالا معاك حق مش عارفة كيف فكرت بغباء طاهر دير اللي قلت عليه انا نبي الاجر بس للمرحوم يوصله لعنده لا نبي شكر و لا ذم من الناس
طاهر براحة: الحمدلله اللي اقتنعتي و كوني ع ثقة اني عمري ما نتمنالك غير الافضل سوى انت او اي حد يخصك
عزيزة : ربي يحفظك ليا
طاهر : يعني نتم في الموضوع
عزيزة : اكيد
طاهر : خلاص اول ما انروحوا من الجامع ان شاء الله نكمل باقي الاجراءات و نسلمهم الفلوس ان شاء الله
عزيزة : ان شاء الله
طاهر : هيا توكلنا ع الله
و مشوا مع بعض لمشوارهم الخاص بحفظ كتاب الله ...
هاني و مديحة و بعد مددوا مدة بقاءهم يومين ثانيين كان اليوم موعد رجوعهم
كانوا في الطريق
هاني : اسمعي هذه توا منفتحها و لو تعرفي انها طلبية خاصة يعني القيتها بعد طلبتها بشكل خاص
مديحة كان عندها فضول كبير : شني هي ؟
هاني فتح الاغنية
