ماجد ضحك بصوت عالي : هههههههههه
حازم و لطيفة : 😳😳 خيرك؟!
ماجد انحرج وقت استوعب عملته : احم انا تذكرت عملة يا راجل معش قدرت نشد روحي
حازم : ربي يهدي و شني تذكرت ان شاء الله
ماجد بعباطة: الشربة اللي صبتها اختك ع ديداي تعرف كيف المفروض صبتها ع راسها
حازم : خيرك هبلت ؟!
ماجد هدى ضحك: لا والله لكن يا راجل كبدي عليها دم تبي تفكرش موضوعي مع بنتها سايرت فوق الحد بدون فايدة لكن و الله ما تحلم بنتها ما واخذها راجل غيري
هالكلام بالذات وصل لقلب ندى قبل وذانها صح انجرحت لكن احيانا جرح من هالنوع نكونوا في امس الحاجة ليه ع شان ربي يمن علينا بالشفاء و داوها بالتي كانت هي الداء
سكرت الروشن متاع المطبخ اللي يطل ع الجنان متاع الحوش
من وراها : خيرك ندى؟
ندى مسحت دموعها : ما في شي وين مشو البنات
نور : خليتهم في الدار وجيت نشبحك بالك تبي حاجة
ندى : لا خلاص اهو القهوة واتية جيبي معاي الحلاوات و تعالي قبل منادي امي لكن معاها ماجد ولد خالي
نور حست عليها : تمام هيا
و خشوا
و شويا و لحقتهم لطيفة مشت جنب سلفتها عن تحرج
في المربوعة
مسعود : و الله ما نلقى خير منه عبدالرحمن راهو زي ولدي و عارفه راجل قد كلمته لكن نشاور البنت و باذن الله ما تكون غير ليكم
ميلاد حط ايده ع قلبه : بارك الله فيك خوي مسعود و ربي يقدم اللي فيه الخير
كريمة : و انا بنت خوي منشاورها بروحي
ميلاد : تي خيرك طايرة انت الراجل اكيد بيكلم بنته بروحه خليهم يتفاهموا و يردوا علينا ع راحتهم
كريمة هكي شخصيتها كوميدية و عفوية : وانا شني يصبرني من الاخير اليوم انا مش مروحة لعند نزغرط في حوشك يا مسعود
مسعود ضحك: ههههه ماعندك روح مع التزغريط من زمان
كريمة ضحكت: هههههه الله غالب سوسة هيا بالاذن توا
وطلعت بخطوات سريعة من جنبهم
ميلاد : الحقها راهي تتكلم جديات بتمشي للبنت
مسعود بقلة حيلة : عارفها و لو نعارضها تحرج و حرجها واعر
ميلاد : في هذه صدقت انشدني انا ما في اوعر من حرجها اختك
مسعود اشر ع باب المربوعة : حي و كان تسمعك
ميلاد بخوف : فكنا يا راجل
