(كل عام و الجميع بخير ... حبيباتي كلكم نتمنى منكم تعذروني لان الحلقة قصيرة و لاني غدوا و بعده مش ح نقدر انزل لاني طالعة و اليوم عارفين الوضع كيف تعرفوا نكتب و نعدل في الحلقة و انا ظهري خلاص 😭 لكن ما حبيت نتاخر عليكم باعتبار اليومين الجايات مش ح نقدر انزل ... شكرا من كل قلبي ع دعمكمً و نتمنى تلتمسولي العذر❤️❤️❤️)
لحظات و ركز ان اللي مقعمزة مروقة و ما خافتش
(يسرى مش زي البنات)
: نهار بوك مسعود اسود
منوبة : غبارتك
و هي ضرباته برجلها من الخلف ع خلفية الكرسي : نهارك انت اسود
و فجاة
: وااااااك وااااك
منوبة : بلغمة ان شاء الله ضمي فمك انت وياها
ماجد عين في الطريق و عين فيها هي : تي افتحي المرش .. اوووف خلاص طلع فكوني من العياااااط و انت والله نوريك ما جتش فيها بنت كان انت دايرة ما في راسك
يسرى بعصبية : واللي معاي هادو مش بنات علاش مركبهم معاك اماله
هما الاثنين كانوا ناسيين اللي معاهم
ماجد يخبط بايديه الاثنين ع الستيرسو: وانا هادو شني دخلني بفيتهم يمشن و الا ينحرقن انا همي فيك انت انا دخلي فيك انت شني امشيك لكن انا نوريك يا يسرى بودرنة تقعدي في السيارة و نزول ما فيش
منوبة بصوت عالي : خلاااااص انت وياها انت خليك في الطريق و هي تقعد في السيارة و تمت
يسرى في سرها غير احلموا جيت المسافة هادي كلها و نقعد في السيارة ما نبداش يسرى كان ما نزلتش
و البنات اللي في جنبها متقززات من نفسهم بسبب اللي صار
و منوبة اللي كانت قبل غافلة عليهم حست وفهمت ان في شي بينهم لكن مازال مش متاكدة و قررت تفتح عليهم كاميرات المراقبة اربعة و عشرين ساعة
ماجد طول الطريق معصب منها لان اللي داراته في نظره كبير و لان تخيلها ح تقلب الدنيا عند نساباتهم و ح يشوفوها الناس و هو متمني يسكر عليها عنده و ما حد يشوفها و في نفس الوقت لان ما يملك الحق هذا مخليه يتصرف بشكل غير متوازن
و يسرى قاعدة تحط في خطة كيف تنزل بدون ما تخليه يمنعها و ما تخلي حد من الماشيين ينتبهلها و خاصة خوتها اللي كانت عارفة و متاكدة انهم لو كان عندهم علم انها البنت الوحيدة الماشية ما كانوا سمحولها
و عند محمود اللي كان صوته من الفرحة و الهناء اللي عايش فيه حاليا يصدح في السيارة
امبارح غافي جابك منام الليل
وانا وانا غافي جابك مناااام الليل
خطر عليا الموح و زاد اريافي
جابك منام الليل
