سارة شادة الكيس في ايدها طلعت و وقفت في فم المربوعة : خالو
شبحولها الثلاثة
سارة اشرت ع طاهر : خالو عزيزة
طاهر : 😳😳😳
ماجد و محمود و مفتاح : 😂😂😂😂
طاهر شبحلهم بس وقت كان بوهم يضحك معاهم سكت و طلع شدها من ايدها و مشي بيها من قدام المربوعة
طاهر قعمز ع روس صوابعه : شني هذا اللي قلتيه يا سارة؟!
سارة بعدم مبالاة: مش انت عروستك اسمها عزيزة
طاهر باحراج من طفلة : اي
سارة: خلاص انت خالو عزيزة
طاهر عمره ما كان قاسي معاها لكن معش يبيها تعاودها : اسمعي يا سارة نزعل منك و معش نكلمك راهو ردي بالك تعاوديه الاسم هذا
سارة حطت صبعها في فمها و بزعل مدت الكيس : خوذه
طاهر : شني هذا
سارة ما بتش تتكلم و مشت بسرعة من قدامه بس لحقها في اخر لحظة و شدها : حرجتي مني
سارة قلبت فمها : اي هلبة انت تفنص خالو
طاهر حط ايده ع شعرها : توا مش ديما تقوليلي خالو طاهر علاش توا قلتيلي هكي
سارة : ماهو انا شبحتها حلوة هلبة هي تهبل و ولت صاحبتي
طاهر ابتسم و آشر ع الكيس : باهي هذا شني ؟!
سارة: تكشخ عليا
طاهر: لا مش ح نكشخ
سارة ابتسمت : هذا من عروسة عزيزة ليك انت
طاهر يتفحص في الكيس بعيونه و قلبه يرجف في داخله عيونه حاس بكل رمشة من جفونهم : باهي شكرا
سارة باساته : نحبك خالو
و طارت تجري بجدايلها الذهبية ...
و هو ابتسم ع منظرها و طول لحوشه فتح الباب و خش للمطبخ قعمز ع الكرسي الموجود فيه و حط الكيس ع الرخامة فتحه اول شي شبح باكو البرقان خذاه و استنشقه و ابتسم و ابدا قلبه و لا قال نهدا
و بعدين فتح البوكس الصغير و تفاجا بالخاتم الفضي ذو الحجر الازرق الملكي ابتسم لان يعشق اللون هذا مشى ابهامه عليه كذا مرة و ع طول و بدون اي تردد لبسه في بنصره اليمين و طبع عليه قبلة و ياااااه ع المشاعر المكتومة و المعتقلة سنين بحواجز عدة و فجاة يتم الافراج عنها حرفيا هذا اللي صاير معاه مش مصدق اللي قاعد يدير فيه حاليا
خذي الباكو اللي فيه الطاقم و فتحه كان فيه ساعة بلون الفضة ماركة و انيقة و قلم فضة منقوش عليه اسمه (حركات هناء ) و ميدالية فيها حرف عزيزة A
لبس الساعة ع طول و القلم حطه في جيبه و حول القلم الموجود قبل و الميدالية حطها في مفاتيحه و ابتسم
