بعد الكلام اللي سمعاته من زوجة صاحبه في المدرسة ساورتها بعض الشكوك لكن سرعان ما طردتها لغير رجعة لثقتها الكبيرة فيه و في نفسها و في محبتهم الكبيرة لبعضطول اليوم و هي تفكر في حالته المتغيرة و تسأل شني ممكن يكون السبب
لعند صار شي غريب
جاها : خوذي يبيك خوك
خذت منه التيليفون و عيونها عليه كيف متجهم الوجه طول الوقت ردت : ايوا
: وينك مغيبة مش جاية مسلمة عليا اماله
: لا كيف غدوا جاية
: ماشي سلمي ع الصغار
: يوصل
: مع السلامة ... اي منقولك منبعث رسالة توا اشبحيها كويس بالله عليك و ردي عليا
: ان شاء الله
طوط
شدت الجهاز في ايدها و تستنى
تن تن
فتحتها
( خلي عمتي تجيب البنات معاها ضروري )
هي ابتسمت ع حال خوها المتقلب مع المعنية بالرسالة
شويا تبي تحذف الرسالة و لعدم خبرتها بالاجهزة النقالة طلعت منها قعدت تدور عليها لعند طاحوا عيونها ع شيء لا يصدق فتحت الرسالة الاولى و كل ما تقرا وحدة تتحطم اكثر و قلبها يتم سحبه بشكل اكبر
تحسست رقبتها في محاولة للتنفيس ع روحها ما فيش فايدة بدت تتنفس بسرعة و الدموع تتقاطر
و انجرحت روحها و حيه ع جرح الروح و جرح الغلا ما اوعره من اقرب الناس
و لو كان جرح الهوا له ضميدة 💔💔💔
هو شاف حالتها استغرب
: خيرك
: حرقتلي قلبي الله يسامحك
مدتله التيليفون و خشت لدارها سكرت الباب وراها بالمفتاح
و هو اقتنع حاليا بحجم غلطته
و لكن هل ممكن ترجع الامور لسابق عهدها ؟!
مع تحياتي
مارية علي الخمسي ❤️❤️❤️❤️