و مودة حاطة ايدها ع قلبها و تتفرج عليهم
لعند قامت راسها و شافاته واقف مقابلها و نازل من سيارته اعطاها نظرة تخوف
ما حستش بروحها لعند القت نفسها في دارها مقعمزة و قلبها قريب يوقف من سرعة دقاته
مودة : وووه عليا لعند خفت من شبحته !!!
عند مديحة مشت وراء الحوش القاته واقف
كانت مستاحشاته هلبة : اهلين
سعد تاملها لحظات : اهلين بيك كيف حال الصغار
و لا اهتم لشكلها الحلو مع الميك اب و لا لقفطانها الجميل وهي اللي محلياته سؤاله ع الصغار كان ممكن يكون عادي لو مش معودها باهتمام بيها هي و بمشاعرها قبل بالدرجة الاولى : الحمدلله
سعد : اطمنت عليكم منقولك خليك قاعدة اهني لعند يتم برنامج الاسبوع خير من المشي و الجي
مديحة : 💔💔💔 لو كان نعرف شني اللي غيرك بس نموت و نعرف ! هل انا قصرت معاك ؟! او غلطت في شي منهبل من التفكير ... ع كل ع راحتك حتى انا قاعدة و مريحاتك من وجهي
و خشت و هي دموعها ع خدها
و سعد بغضب : حمار و ستين حمار !!!
و مشي طول لسيارته شغلها و طلع..
في حوش طاهر ....
غيرت عزيزة و لبست بجامة كان لونها ازرق وفيها ورد اصفر حجم كبير هكي موضة زمان المهم طلعت
طاهر كان يستنى فيها اشر ع الصالون : تعالي قعمزي
قعمزت وهي مرتبكة و تستنى فيه شني يبي منها
طاهر : اللي نبي نقوله هو عبارة ع كتالوج حياتنا
اول شي الخمار ديما تلبسيه يا بنت الناس انا اخترتك اول شي ع شان لبسك و حشمتك يعني طول عرفت انك ملتزمة زيي
عزيزة : 😱😱
طاهر : و ثاني شي سلام ع خوتي من بعيد هدرزة معاهم في حدود اللبس المكشوف حتى قدام النساوين ممنوع حنتك ديما عليها قفازات
عزيزة : 😭😭😭 (كلمة قفازات ع طول ذكرتها بحمزة كيف يلفظ فيها )
طاهر: يا بنت الناس انا حكيتلك نبي من يعيني ع ديني و انت لازم تساعديني و تلتزمي زيي مع اني كنت متاكد انك ملتزمة اكثر مني مش عارف هل فهمت غلط والا انت اللي تغيرتي
عزيزة انتفضت بغضب : انا ما تزوجتش و جيت لمكان بعيد ع شان نتقيد ديري هكي و ما تديريش هكي البسي هذه و ما تلبسيش هذه انا كرهت حياتي الاولى كلها ع شان القوانين هذه ... و بعدين انا عارفة كل شي و انا اللي بنتحاسب مش انت خليني نعيش كيف ما نبي و نلبس بحريتي و ربي بيحاسبني انا مش انت
