مديحة سرحت بافكارها و استرجعت سنين قديمات فيهم هلبة احداث مشابهات
Flashback
طالعة من المدرسة تبكي
و هوا يجري وراها : زينة زينة
مديحة وقفت و مستمرة تبكي
خذي منها الشنطة و لبسها هو : علاش تعيطي
مديحة تبكي و ما بتش تقول
هاني : هيا عاد نسأل فيك انا تكلمي
مديحة بتتكلم
مر من جنبهم ولد : ههههه عيون القطوسة ههههه
هاني اعطاه نظرة تخوف و شبحلها : خيرا هذا شني في ؟! ليش يكلم فيك هكي تكلمي
مديحة مسحت دموعها : قالي عيون القطوسة قدام فصلي قعدوا يضحكوا عليا قلتله امشي يا كلب
خلاني طلعت من الفصل و ضربني كف 😭😭😭
هاني ينقز و قريب يهبل : شني ضربك انت كف هذا ايده ضربك بيها كف ع وجهك انت
مديحة تبكي : اي خلاص نحول خلي نروحوا
هاني بصوت عالي : انت تقعدي اهني في مكانك تتحركي نوريك
مشي و سيبها و هي تنادي عليه
شوية وجي محمود : خيرك تبكي انت
مديحة سكتت و خلاص : شي
محمود : هيا نروحوا
مديحة : نستنى في نحول بيجي
شوية و جي هاني جايب في ايده الولد و بدي يضرب فيه في كفوف : هذا واحد و هذا الثاني و هذا الثالث ع شان معش تعاودها مرة ثانية
و الولد فك روحه منه بصعوبة و طار يجري
هاني بتهديد : مرة ثانية اي حد يمد ايده عليك قولي مش تقعدي تعيطي
خذي شنطته و من بعدها شنطتها : هيا
و محمود مش فاهم شي و هي كانت مصدومة في ردة فعله بس اكيد فرحتها ضربة الولد
الوقت الحالي
هكي كانت ردة فعلها من امكانية هكذا احتمال بس من وين بيعرف و هي اللي ما حكتش لحد و ما يعرف حد الا ماجد بس طالما ماجد دس
الموضوع ع خوته معقولة يقول لهاني 😲😲
سعد يستنى في اي لهفة منها لكن لاحظ شرودها : معقولة يعني تكوني انت اللي داعية عليا حقا
مديحة : ممكن ما دعتيش بس ربي رب قلوب و خذالي حقي
و مشت عنه و هو تنهد لفشله الذريع حتى المرة هده في استجداء تعاطفها معاه...
بينما في المغرب
كانت امل حاسة انها مولودة من جديد
في فرق وقت المراة تحس ان راجلها يحبها جديات مش مجرد كلام. واداء واجبات
