أيام سمحة كيفها مارينا
نحول طول اليوم لاحق زينة
أيام اسماح.....
يجري وراها لين سعدة طاح
وهي ادور ماهي امخلية مطراح
وهو عن عوجها دار حولة عينه
ومايوم سلم في غلاها ارتاح
قعد في الشقاء وافجرته مشقينا
لكن شقاء طيب نسيمة فاح
لاضرب فيه ولا هناك غبينة
ولاحرب لانعرف سطير سلاح
هادي حقيقة مختصر ماضينا
أيام سمحة كيفها مارينا
نحول طول اليوم لاحق زينة
(مع تحياتي أخوكم إبراهيم مسعود)
منقول من الشاعر المذكور اسمه سابقا
كان مقعمز يقلب في القنوات لعند جت ع مسلسل مكسيكي قديم ذكره بايام قد خلت
حط عليه
و بمجرد بدت الاغنية مشت بيه كلماتها لايام كان اليها اقرب من اي شخص
Flashback
: هيا عادي ارقى انت و عدلي الانتينا قريب تبدا و خوتي عارفهم و الله ماهم ماسينها
: هو حتى انا من رايهم غلط تتفرجي عليها بس شني ندير في عمري ما نقدرش نقولك لا
: معناها يالله عاد فكنا و انا نوقف في الروشن نقولك لما تطلع تونس
: باهي يا همي
كان يمشي و يعرج
: خيرها رجلك
هو ما حبش يخبرها ع الفلقة اللي كلاها من بوه لان شافه جاي لحوش عمه و جداه من بعد ما لزهم من حوشهم معش يبي يشبحه بكل : شي حاجة بسيطة من الكورة
ركب و عدل الانتينا و من بعد محاولات
: خلااااص صافية
هو ابتسم و نزل شوي شوي
و بدي يسمع في الاغنية اللي في نظره ما تنطبق ع حد غيرها هي
حاليا يردد مع التيليفيزيون
بسمة الايام شفاها و عيونا
سكت و الدمعة في طرف عينه.... مشاعره ناحيتها مش قادر لا يتحكم فيها و لا يمنعها من التطور و الزيادة و خاصة بعد اخر شي عرفه عن حياتها
انتظروني
مع تحياتي
