(هذا وين حصلت ضي 😭)
ندى بدون ما تشبحلها: طبعا بكل ما فيك من صحة وجه و انانية بتمشي معاهم
يسرى : 😱😱
ماجد كان جايب صفرة الفطور سمع كلام ندى وقف ع جنب و فضل ان ما يدخل عليهم لحساسية موقفه بعد كلامه ليسرى البارح و كلام ندى ليه
يسرى : ندى خيرك معاي ؟! حاطتني في راسك هلبة ملاحظة ! مع اني مشيتلك الكف اللي عطيتهلي بعد كلام ماجد مشيتلك انك صدقتيه و كذبتيني مع انك اكثر وحدة عارفة ان من غير اي شيءٍ ثاني مستحيل نفكر فيه و لا يهمني لانك انت تحبيه
ماجد : 💔💔
ندى : طالما هكي علاش لاصقة فيهم حوش خالي فهميني مش من فراغ اللي قاعد يصير يا يسرى انا احساسي عمره ما كذبني
يسرى بعصبية مفرطة: اي احساس يا بني ادمة افهمي تي هو لعند البارح ماسح بكرامتي الارض و لولا بنات خالك و جداي كنت روحت و ما قعدتش دقيقة و بعدين نبي نفهم علاش توافقي ع عبدالرحمن وانت حاطاته في راسك هبلتي و الا شني
ندى بدت تبكي : وين نعرف ان موضوعه مع صفاء بينتهي من حظي الاحرف اصلا انا ما وافقتش ع عبدالرحمن الا بسببه هو وقت سمعته يتكلم ع صفاء وان مش ح يخليها لغيره و فجاة هكي يقرر يسيبها و كلها جت عليا في مرة
يسرى : ماجد عمره ما كان ليك و لا ح يكون افهمي و حرام عليك الراجل اللي عطيتيه امل و وافقتي والا عمتي كريمة شني متوقعة ردة فعلها وهي اللي تموت فينا و زيادة جت و نشداتك بروحها توافقي و توا توخري
ندى تمسح في دموعها : انا خلاص موضوع عبدالرحمن منسكره و ماجد متاكدة ح يجي اليوم و يحس بيا
يسرى انصدمت في اختها : معقولة لا رسمي تخوخمتي و باباي و عمتي كيف نتصرفوا معاهم
ندى : منكلم امي مش عمتي تبي تاخذ وحدة منا احني و عاجبينها خلاص تاخذك انت
ماجد بدون وعي خش للمطبخ و حط الصفرة بقوة : يسرى اطلعي برا
يسرى خافت ع اختها : مش طالعة شني بتدير لاختي
ماجد كان اول مرة يطلع في الصورة هذه قدام يسرى : اطلعي قلت انا
هي خافت اكثر ع اختها و قررت تواجهه و ما تطلعش : مش مخليتها معاك بروحها
ندى بثقة : اطلعي برا انا مش صغيرة ع شان وحدة زيك اتدافع عني اطلعي
يسرى وجعتها من اختها و طلعت و هي خايفة عليها من حالة الجنون اللي صايبتها
ندى : ماجد انا..
ماجد تظاهر بشيء غير موجود من الاصل : اسمعيني كويس انا ما كنتش نبي الموضوع يطلع لكن الباين انت بتخليني نقول اللي فيها انا سيبت صفاء لاني نبي بنت ثانية تخدم معاي في الشركة و اول ما يتم عرس طاهر و نطمن ع محمود يرد مرته منسافر في دورة انا وياها لماليزيا ممكن سنة و اول ما نروحوا بنتزوجها فهمتي عليا توا معناها بطلي الهبال اللي بتديريه و لو فكرتي تديريه طلعيني انا من حساباتك ردي بالك تحطي و لو احتمال واحد ان انا مناخذك لو سيبتي ولد عمتك لاني سيبت بنت حبيتها سنين ع شان الانسانة هذه ع ما عاجبتني
