هل الندم يقدر يرجع اللي ضاع ؟!
: نادم و منمووووت من الندم قريب ناكل الرشاد ع ما نادم الوجع اللي انا فيه ما نقدر حتى نوصفه يا بنت الناس روفي بحالي نارنا وحدة و ما تنطفاش الا اذا تعاونا عليها
هي كانت ملامحها باهتة و عيونها ما فيهم اي ردة فعل زي وجهها : من يوم اللي سمعت الرسائل يوصولوك سالتك قلتلي شني ؟! نلعب بلعبة اللفعة و خسرت ! من يوم دخلت فيه اللفعة بينا و وجعنا عمره ما كان واحد
انت اخترت طريقك من يومها و سيبتني بروحي و سببتها تبكي و ياريت ع هكي اخر شي جمعة بيها تتذكره
كف ع وجهها ضربتها و مشيت
سكرت عليا الباب بالمفتاح و خذيت معاك الارضي كله ع شان ما نكلم حد من عيالي سكرت عليا و خليتها برا
اخر شي شبحته نظرتها المصدومة من الكف متاعك و بعدها معش شبحتها تبيني نطفي نارك !! اي نار تحكي عليها امشي للي بدلتني بيها قوللها تطفي نارك
و هو جثى ع ركبتيه قدامها و شد ايديها بكل قوة و يبكي ينحب نحيب ع اللي راح و معش يرجع و ع اللي ناوية ترحل توا و تخليه يعاني الويلات بروحه : خليك ما تمشيش حرام خلاص قلبي ما عاد يتحمل غلطت ونطلب منك السماح نادم والله نادم
و من قال لا يبكي الرجال 😭
يتبع
مع تحياتي
مارية علي الخمسي ❤️❤️❤️❤️
