خش نوري عليهم لان مفتاح مبلغه ان يجي : معقولة تبدو بدوني
و اهني بعض الحاضرين ع روسهم علامات الاستفهام من بعد الكلام اللي انقال
وقف مفتاح و صافحه: تاخرت يا بونسيب معقولة تغيب ع الغذي
نوري : سامحني صارلي ظرف السلام عليكم
: و عليكم السلام
و بدي مفتاح يعرف فيه ع عبدالله : و هذا عبدالله نسيبي خذينا بنته لطاهر قلتلك عليه قبل
نوري : اهلين اهلين كيف الحال
عبدالله بابتسامة : اهلين بيك خوي نوري تشرفت بيك
نوري : انا اللي تشرفت
قعمز نوري بعد كمل سلام
و كمل مفتاح : اي يا جماعة الخير قلتلكم اني عطيت بنتي للطيب هذا و اشر ع صلاح و فاتحتها مع ولدي طاهر يعني اسبوع عرسه اللي باذن الله بيكون قبل العيد الكبير و انتم اول الحاضرين باذن الله
: ان شاء الله
: و انت طيب
: ربي يتمم ع خير
نوري : و البنت بنتي حتى انا عاد ما هو الخال والد رد بالك منها يا صلاح انا ولدي طلع بلهون و تربيتي فيه ما ثمرت لكن انت واضح ينشد بيك الظهر و قد كلامك و بنتنا عارفين بتكون في ايدين امينة معاك
صلاح مش عاطي فرحته لحد مبتسم و بس : احم ان شاء الله يا عمي ربي يقدرني و نكون عند حسن ظنكم فيا
طاهر بحزم : ما عندكش خيار
ماجد : اكيد و ضروري
مفتاح اشر عليهم: واحد انت ضامنه نسيبك كلا هاديما الاثنين ما نقدرش نشدهم راهو
: ههههههه
و صلاح رغم ان الكلام انقال ببصارة لكن من داخل خاف لو مودة تحكي لحد ع الكلام البايخ اللي قاله ...
و بهكي الكل عرف ان مودة خلاص مقسوم صلاح باذن الله و انتشر الخبر و كل من طالها بلسانه فعلا بلعه
و هنا سوال يعني البنت اللي مش مخطوبة عادي نتطاولوا عليها و ع سمعتها و مجرد ما تنحط في خانة الى جانب رجل يعني خلاص هي في امان من السنة الناس .. و هذا واقع مولم يخلي حتى الاهل الواعيين و اللي ضد هكذا افكار غبية ينساقوا وراهم للحفاظ ع بنتهم من كلام يسم الابدان ...
وقفوا في توديع عائلة عبدالله و الشريف
طاهر كان كله فضول يبي يعرف هل عزيزة روحت او لا
نادى مودة قبل ما يطلعوا العيلة
جاته بسرعة: فيسع يا طاهر منسقدوا الناس
طاهر : نبيك تعرفي اذا مازالت قاعدة في طرابلس او روحت بسرعة مودة
مودة مش فاهمة شي : مني
