اما تحت
مفتاح : انا نقولك يا مروة الحل ان تقعدي عندي اهني الليلة طالما ايمن بايت في طرابلس و جبريل الصبح ان شاء الله نتفاهم معاه
مروة بامتنان كبير : مشكور يا عمي ربي يبارك فيك انا والله متحشمة لكن ما القيتش غيركم مع اني يا ما ضريتكم
مفتاح: زي بناتي انت
عويشة مش راضية لكن اضطرت تجامل: مرحبتين بيك
منوبة مش قادرة تقسى عليها مهما كان رغم ان عارفة بقاءها معاهم ح يجيب مشاكل : اي تقعدي معاي في داري و تحت عيني
مروة فهمت تلميح جداها و تحشمت
صفاء: وانا يا عمي مش مرحبين بيا حتى زيارة
مفتاح بمجاملة : تفضلي في اي وقت
صفاء ابتسمت بنصر
و عويشة خلاص شوي و تنفجر
بينما عند فتحية : اسمعيني يا بنتي و افهمي كل كلمة هاني راهو ناوي يسيبني انا ام حرام عليك زمان لا لمتك و لا حطيت عليك حق و قلت نصيبات لكن توا علاش تسكير الراس مرات ربي كاتبلكم تتلاقو توا علاش انت مش راضية لو مش ع شانه ع شان بنيته ! يرضيك بنته تتربى غريبة برا دونن عن صغار عمها بعيدة عليا بعد تعودت عليها
مديحة مش قادرة تاخذ الخطوة هذه و في ذات الوقت وجعتها فتحية : 💔💔سامحيني يا ديداي مش قادرة صعب راهو "تحط في ايدها ع قلبها" تبوني نتزوج و نسيب صغاري و نتزوج مني نحول اللي رفضته زمان تعرفي اليوم قالي كلمة عرفت ان لو مهما فات من وقت مستحيل يسامحني و ينسى و بيقعد مدة عمره يتذكر في اللي صار و يحط الحق عليا و انا مش ناقصة انا قاعدة نلاكش و نعافر في الدنيا ع شان صغاري والا اللي زيي و بعد اللي صار معاها راهو ليها سنين ميتة سامحيني ما نقدرش
فتحية بحزن كبير و يأس: ربي يهديك و يسامحك
طلعت من عندها
ومديحة بدت تبكي
كانت حرفيا ضايعة ممكن للحظة تمنت لو هاني نفذ تهديده و خذاها غصبا عنها
و عند نحول او هاني كان حزين للغاية ممكن صح مش مفكر في السفر حاليا بس اكيد حاط في باله يبعد عنها نهائي محبط منها كيف مش قادر يأثر فيها كيف مش حاسة بكمية المشاعر اللي في قلبه ناحيتها
كان يدندن بصوت اقرب للهمس: جبرتيني لا و الله
جبرتيني ع فرقاك .. جبرتيني اني ننساك .. نسيت و ما نيتي ننساك جبرتيني
ااااه يا ريت ننساك بس يا ريت
عند العصافير و الكناري و الكبلز الحلوين ❤️❤️❤️❤️
طاهر يضحك : ههههههههه
عزيزة: طاهر بطل من بكري تضحك عليا احرجتني
